فڕاکسیۆنا پارتی دێ بزاڤێن گۆھۆڕینا هه‌ڤبەستێن کارمەندێن کۆمسیۆنێ کەت

ئاژانسا خانی ، تایبەت:

پتر ژ ھزار کارمەندێن هه‌ڤبەستێن دەمکی یێن کۆمسیۆنا ھەلبژارتنێن عێراقێ ل ھەرێما کوردستانێ ھەنە و فڕاکسیۆنا پارتی ژی یا رژدە لسەر گۆھۆڕینا هه‌ڤبەستێن وان.

رێبوار ھادی، پەرلەمانتارێ پارتی بۆ ئاژانسا خانی دیارکر” نوونەرێن فەرمانبەرێن کۆمسیۆنێ یێن گرێبەستێن دەمکی سەرەدانا فڕاکسیۆنا پارتی ل پەرلەمانێ عێراقێ کرییە و داخواز کرییە فڕاکسیۆنا پارتی ل پەرلەمانی کار بۆ دامەزراندنا فەرمانبەرێن هه‌ڤبەستێن دەمکی بکەت یێن کۆمسیۆنا سەربه‌خۆیا ھەلبژارتنێن عێراقێ بۆ تەشغیلی، کو ھژمارا وان کارمەندا سێ ھزارن ل عێراقێ و ھزار ل ھەرێما کوردستانێ ھەنە.

ناڤهاتی گۆت ژی” فڕاکسیۆنا پارتی دێ ھەموو بزاڤەکێ بۆ گۆھۆڕینا هه‌ڤبەستێن دەمکی یێن کارمەندێن کۆمسیۆنێ کەت، بەری نوکە ژی فڕاکسیۆنا پارتی ب ھەموو شیانێن خۆ کارکرییە دناڤا قانوونا ئاسایشا خوارنێ مافێن وان کارمەندان بھێنە پاراستن، بەلێ مخابن ژبەر خەمساریا لایەنێ شۆله‌ژێ ھێشتا هه‌ڤبەستێن وان نەھاتینە گۆھۆڕین، بەلێ دێ بزاڤان کەین ئاریشا وان بھێتە چارەسەر کرن.