پارتی یا رژدە ل سەر بەربژارکرنا رێبەر ئەحمەدی بۆ پۆستێ سەرۆک کۆمارێ عیراقێ

ئاژانسا خانی ” تایبەت:

ھەتا نوکە لایەنێن کورد بۆ دیارکرنا بەربژاره‌كێ بۆ پۆستێ سەرۆک کۆمارێ عێراقێ نەگەھشتینە رێکكەفتنێ و پەرلەمانتارەکێ پارتی ژی دبێژیت، ھەتا نوکە بەربژارێ پارتی رێبەر ئەحمەدە بۆ وەرگرتنا پۆستێ سەرۆک کۆمارێ عێراقێ.

سەگڤان سندی، پەرلەمانتارێ پارتی ل پەرلەمانێ عێراقێ بۆ ئاژانسا خانی دیارکر” ھێشتا چو رێکكەفتن لدۆر بەربژارێ سەرۆک کۆمارێ عێراقێ نەھاتینە کرن، بەلێ دانوستاندن د بەردەوامن بۆ ئێکلاکرنا بەربژارێ سەرۆک کۆمارێ عێراقێ، بەلێ ھێشتا دیار نینە دێ ئەنجام ھەبن یان ژی دێ وەکی سالا ٢٠١٨ێ پارتی و ئێکەتی ھەر ئێک ب بەربژارەکی چیتە کۆمبوونا پەرلەمانی.

ناڤهاتی گۆت ژی” ھەتا نوکە پارتی یا رژدە ل سەر بەربژارکرنا رێبەر ئەحمەدی بۆ وەرگرتنا پۆستێ سەرۆک کۆمارێ عێراقێ، چونکی ئەم وەکی پارتی ڤی پۆستی ب مافێ خۆ دزانین، ژبەر رێکنەكه‌فتنا لایەنێن کوردی ھەتا نوکە ژڤانێ ھەلبژارتنا سەرۆک کۆماری نەھاتییە دیار کرن.