پێشنیازه‌كا نوو بۆ ئێكلاكرنا پۆستێ سه‌رۆككومارێ عیراقێ هاتییه‌ كرن

ئه‌ڤرۆ 26ى ته‌موزا 2022ێ فراكسیۆنا پارتى دیمۆكراتى كوردستان ل جڤاتا نوونه‌رێن عیراقێ كۆمبوو، و دانوستاندن ل دوور پرۆسه‌یا سیاسى و بابه‌تێ پێكئینانا حكومه‌تا نوو و هه‌لبژارتنا سه‌رۆككومارێ عیراقێ كر.

دكۆمبوونێ دا دووپاتى ل وێ چه‌ندێ هاته‌ كرن كو پێدڤییه‌ پۆستێ سه‌رۆككومارێ عیراقێ بۆ كوردان بیت، و دناڤ كوردانان  ژى دا ب رێككه‌ڤتن كاندید بهێته‌ ئێكلاكرن، ئه‌گه‌ر لایه‌نێن كوردى بۆ ده‌ستینشانكرنا كاندیده‌كى رێك نه‌كه‌ڤتن، پێشنیاز هاتییه‌ كرن ل په‌رله‌مانێ كوردستانێ بزاڤێن ده‌ستنیشانكرنا كاندیدێ كوردان بۆ پۆستێ سه‌رۆككومارێ عیراقێ بهێنه‌ كرن.