لسەر فەرمانا مه‌سرور بارزانی، سەرۆکێ حکومەتا هەرێمێ، رازەمەندی ل سەر مەزاختن و تەرخانکرنا زێدەتر ژ 35 ملیار دیناران بۆ بجهئینانا پرۆژێن چارەسەرییا ئاریشێن له‌هییان ل پارێزگەها هەولێرێ هاتە دان.
ئەڤرۆ ئێک شەمبی ل سەر فەرمانا مەسرور بارزانی، سەرۆکێ حکومەتا هەرێما کوردستانێ، رازەمەندی ل سەر تەرخانکرن و مەزاختنا کۆژمێ (35,728,464,150) دیناران بۆ بجهئینانا پرۆژێن چارەسەریا ئاریشێن له‌هییان ل دەوروبەرێن جاددێن هەولێرێ هاتە دان، بڤی رەنگێ لخوارێ:
ئێک: دروستکرنا ئاڤرێژا سندۆقا (2*1.5)م ل سەر رێیا پیرمام نزیک کۆنسڵخانا ئەمریکا، ب کوژمێ (896,948,000) دیناران.
دوو: درووستکرنا ئاڤرێژا کونجا کونکرێتى دووچاڤەی (2*2.5)م ل بن جاددا سەرەکى یا پیرمام نێزیک ئەکواتارین و کونجا کونکرێتى (2*2)م ل بن جاددا پیرمام کۆنسڵخانا ئەمریکى و کونجا کونکرێتى دووچاڤەی (2*2)م ل بن جاددا مەلا ئۆمەر ب کوژمێ (311,745,000) دیناران.
سێ: درووستکرنا ئاڤرێژا سندوقا بۆ گرێدانا دوو ئاڤرێژا ل بن جاددا 150م کو دناڤ گۆندێ کەلکن دا دبووریت تا دگەهیتە جاددا پیرمام، ب کوژمێ (000،5،420،176) دیناران.
چار: ئامادەکرنا ئامیر و کەلوپەلێن پێدڤی بۆ درووستکرن و رێکخستنا بەر لێڤێن رێیا سەرەکی یا مەلا ئۆمەر – خانزاد – پیرمام و درووستکرنا دیوارێ پشتەڤان ب گرێدانا هێلا ئاسنی و ئاڤرێژا سندوقا کۆنکرێتی یا لولەی و دووبارە دروستکرنا لێڤێن جوکان و جوکێن ناڤەراستا رێیان، ب کوژمێ( 628،070،150،1) دیناران.
پێنج: درووستكرنا ئاڤرێژا سندوقا قه‌باره (3*2)م ل پشت کوردستان ستى تا نەخۆشخانا ئیماراتى ل بەحرکێ و ئاڤرێژا سندوقا قەبارە (3*3)م ل بەحرکێ نێزیکی نەخۆشخانا ئیماراتى و درووستکرنا جۆکا ڤەکری ل پشت کەمپا ئاواران ل بەحرکێ ب کوژمێ(518،000،000،10) دیناران.
شەش: درووستكرنا كونجا سندوقا (3) چاڤێ (3*1.5)م ل بەرامبەر مزگەفتا دکتۆر نەریمان، ب کوژمێ ( 000،60،35) دیناران.
حەفت: درووستکرنا کونجا سندوقا (2) چاڤێ (3*1.5)م ل نێزیک خەزانا ئاڤا هەولێرا نوو، ب کوژمێ ( 300،000،35 ) دیناران.
