سهرۆكێ ههرێما كوردستانێ ل سالرۆژا وهغهركرنا فهلهكهین كاكهیى راگههاند، ئهو خۆدان خامهیهكا زێرین و هزرهكا كوور و خهونهكا مهزن بوو، ئاشق و دلسۆزهكێ سهرسهختێ كوردستانێ بوو.
ئهڤرۆ نههـ سال ب سهر وهغهركرنا پێشمهرگهیێ دێرین و نڤیسهر و سیاسهتمهدارێ كورد فهلهكهدین كاكهیى دا دهربازبوون، سهرۆكێ ههرێما كوردستانێ دتویتهكى دا دیاركر، ل سالیادا وهغهركرنێ، سلاڤ و رێز ل گیانێ پاقژ یێ تێكوشهر و نڤیسهر و رووناكبیرێ مهزنێ كوردستانێ ماموستا فهلهكهدین كاكهیى بن.
ل نیڤرۆیا رۆژا 31ى تیرمهها 2013ێ فهلهكهدین كاكهیى دژییێ 80 سالییێ دا ل هاڤینگهها پیرمام ب ئهگهرێ جهلتا مێشكى وهغهركر.
فهلهكهدین كاكهیى ل دهستپێكێ ل سالا 195ێ دهست ب چالاكییان دناڤ قۆتابى و لاواندا كر، و ل سالا 196ێ تێكهلى بزاڤا سیاسی بوو، پاشان ل سالا 197ێ بوویه رێڤهبهرێ راگههاندنێ ل شۆرهشا ئهیلولێ، و پشتى ژ ناڤچوونا رژێما سهدامی ژى ببوو سهرنڤیسهرێ رۆژنامهیا ( التاخى ) ل بهغدا كو ل وى دهمى ئێك ژ بهربهلاڤترین رۆژنامهیێن عیراقێ بوو.
