د سالڤه‌گه‌را هێرشا تیرورستان بۆ سه‌ر شنگال و جینوسایدا ده‌ڤه‌رێ، سه‌رۆك بارزانى په‌یامه‌ك به‌لاڤكر و راگه‌هاند شنگال یا د ده‌ستێ كومه‌كا هێزو و چه‌كداران دا كو یێن بوینه رێگر ژبو ڤه‌گه‌راندنا خه‌لكى وز ئاڤه‌دانكرنێ.
ئه‌ڤرۆ3/8/2022، سه‌رۆك مه‌سعود بارزانى په‌یامه‌ك د سالڤه‌گه‌را كاره‌ساتا شنگالێ دا به‌لاڤكر و راگه‌هاند: ئه‌ڤرۆ هه‌شت سال بسه‌ر هێرشێن تیرۆرستان بۆ سه‌ر شنگالێ ده‌ربازبوون، تاوانا جینوسایدا شنگالێ برینه‌كا كویره لسه‌ر لاشێ گه‌لێ كوردستانی. دڤێ كاره‌ساتێ دا خوشك و برایێن ئێزدى ژ ئه‌گه‌رێ كوردبوون و ئایین و بیروباوه‌ران كه‌فتنه لبن هێرشێن تیرۆرستان. ئه‌وا تاوانبارێن داعش ل دژى خوشك و برایێن ئێزدى ئه‌نجامداى، درێژیا وان زنجیره‌و كاره‌سات و تاوانان بوو یێن ب درێژیا دیرووكێ به‌رامبه‌ر گه‌لێ كورد ئه‌نجامداین.
سه‌رۆك بارزانى ئاماژه ب هندێ ژى كر، د بیره‌وه‌ریا كاره‌ساتا كۆمه‌لكوژى یا شنگالێ دا، ب لێبورینڤه سه‌ره‌راى رێكه‌فتنا دناڤبه‌را حكومه‌تا هه‌رێمێ و حكومه‌تا عیراقێ ژبۆ ئایینه و برێڤه‌برنا شنگالێ هێشتا ئه‌ڤ رێكه‌فتنه نه‌هاتیه جێبه‌جێكرن، و شنگال هێشتا یا دده‌ستێ كومه‌كا هێزو چه‌كداراندا كو هێشتا درێگرن ژبو ئاڤه‌دانكرنا وێ، پێنگاڤا ئێكێ یا ساخبوونا برینین شنگالێ ئه‌وه شنگال ڤه‌گه‌ریته دده‌ستێن خوادانێن خوه یێن ره‌سه‌ن دا و ئه‌و هێز و میلیشیا یێن ده‌ست بسه‌ر شنگالێ دا گرتى ژ شنگالی ڤه‌بن و رێكه‌فتنا شنگالێ بهێته ئه‌نجامدان، هه‌روه‌سا گرنگه رێكارێن وه‌سا بگرن كو چ جارێن دى كاره‌سات و زولم و تاوان ل دژى ئێزدی و پێكهاتێن دى دووباره نه‌بن.
بارزانى دپه‌یاماخودا دیاركر، دڤێ بیره‌وه‌ریا دلته‌زین دا ب بلندى بیره‌وه‌ریا شه‌هید و قوربانیێن شنگالێ دكه‌ین. دهه‌مانده‌م دا بیره‌وریا وان شه‌هید و پێشمه‌رگه‌یێن قاره‌مان دكه‌ین كو ب خۆینا خۆ چیایێ شنگالێ پاراستی و گڤاشتنێن تیرورستان لسه‌ر چیایی شنگالێ ژناڤبرین و باژیرێ شنگالێ ژ ده‌ستێ تیرۆرستان رزگاركر، و د ئه‌نجامدا ب مه‌ردانه داعش تێكشكاند و باژێرێ شنگالێ دده‌ستێ تیرۆرستێن داعش كه‌فته لبن پیێن كوردێن ئێزدى.
