<h2 class="x14z9mp xat24cr x1lziwak x1vvkbs xtlvy1s x126k92a">پەیاما سەرۆك مهسعود بارزانی بۆ سالڕۆژا جینۆسایدكرنا كوردێن فەیلی؛</h2> <h2 dir="auto">ب ناڤێ خودایێ مەزن و دلوڤان</h2> <h2 dir="auto">چارێ نیسانێ ڕۆژەكا خەمناكە د ڕۆژژمێرییا گەلێ كوردستانێدا، ڕۆژا جینۆسایدكرنا خوشك و برایێن فەیلییە كو ژبەر كوردبوونا خۆ بهرههنگاری كۆمەلكوژی و زۆردارییێ بوون. كوردێن فەیلی د بن دەستهەلاتا ڕژێما بەعسدا ئازار و دەربەدەری دیتیه و چ مافەكێ ڕەوا بۆ وان نەهاتییە دیتن. شەهیدكرنا هزاران گەنجان و دەركێشانا دەهان هزار خێزانێن كوردێن فەیلی، پشكەك بوو ژ پیلان و وێ سیاسەتا نهمرۆڤانە یا كو دژی گەلێ كوردستانێ ب شێوەیەكێ ڕێكخستی و ب بەردەوامی ژ لایێ ڕژێما پێشتر یا عیراقێڤە دهاتە ئەنجامدان.</h2> <h2 dir="auto">د سالڤهگهڕا 46 سالییا جینۆسایدكرنا كوردێن فەیلیدا، هزاران سلاڤ بۆ گیانێ پاقژێ شەهیدێن كوردێن فەیلی و هەموو شەهیدێن كوردستانێ بن. ئەرکێ سەر ملێ دەولەتا عیراقێیە قەرەبوویا ئازار و نەهامەتییێن خویشك و برایێن كوردێن فەیلی بكەت. د ڤێ ڕۆژێدا، ڕۆلێ تێكۆشەر و خەباتكارێن كوردێن فەیلی د پشتەڤانیكرنا بزاڤا ڕزگاریخوازا گەلێ كوردستانێدا چ جار ناهێتە ژبیركرن و كوردێن فەیلی هەموو دەمان پشكەكا خوشتڤی یا گەلێ كوردستانێ نە.</h2> <h2 class="x14z9mp xat24cr x1lziwak x1vvkbs xtlvy1s x126k92a">مسعود بارزانی4ـێ نیسانا 2026ـێ</h2>
