نهتهوهیێن ئێكگرتى ئهڤرۆ بهلاڤكر، پتر ژ 200 هزار ئێزدییان كو ژ جینوسایدا ژێر دهستێ داعشێ قۆرتالبووینه، ههتا نوكه ل ههرێما كوردستانێ د ئاوارهنه، و زهحمهتا ژیانێ ئهوان پال ددهت ب تنێ داخوازا پێدڤییێن رۆژانه بكهن.
ل دووڤ راگههاندنا ( UN )ێ، داعشێ ب رێژهیا 80%ێ ژێرخانا گشتى و 70%ێ خانییێن ئێزدییان ل شنگالێ و دهوروبهرێن وێ وێرانكرینه، كو رێژهیا 85% یا ئاكنجییێن وێ دهڤهرێ پشتبهستنێ ل سهر چاندنێ دكهن.
نهتهوهیێن ئێكگرتى داخوازێ ژ حكومهتا عیراقێ و كۆمهلگهها نێڤدهولهتى دكهت، سهقایهكێ گونجاى رێكبێخیت داكو ئهو روودانێن ب سهر ئێزدییان دا هاتین دووباره نهبن و بۆ ڤهگهراندنا ژیان و ئاڤهدانكرنا جهێن وان دهاریكاربن.
