نەدا مێرگەسۆری: ھەلبژارتنێن پێشوه‌خت ئاریشێن عیراقێ چارەسەر ناکەن

ئاژانسا خانی ، تایبەت:

نەدا مێرگەسۆری، چاڤدێره‌كا سیاسییه‌ بۆ ئاژانسا خانی دیار کر” ئه‌و ئالۆزیێن نوکە یێن ل بەغدا پەیدابووین، ژ ئەنجامێ رێکنەكه‌فتنا لایەنێن عیراقییە و سەرۆکێ ھەرێما کوردستانێ و ھندەک لایەنێن دەرەکی بزاڤان دکەن بۆ چارەسەرکرنا ئاریشێن ناڤمالا شیعی، نوكه‌ عیراق یا بەرەف ھەلبژارتنێن پێشوەخت دچیت، ب تایبەتی پشتی دووماھی پەیاما موقتەدا سەدرى دیاربوویە، یان دێ خۆنیشاندان بەردەوام بن ل عیراقێ یان ژی دێ ھەلبژارتن ھێنە ئەنجامدان، ئەڤە ژی دو رێکێن دژوارن ل ھەمبەری عێراقێ.

وێ چاڤدێرا سیاسی ئاشکرا کر ژى” ئەز باوەر ناکەم ئەنجامدانا ھەلبژارتنان چارەسەرییا رەوشا عیراقێ بکەت، چونکى ئەگەر ھەمان ئەنجامێن ھەلبژارتنێن بوری دەربکەڤن، ئەڤە نابیتە چارەسەری، باشترە لایەنێن عیراقی و لایەنێن شیعی بگەھنە رێکكەفتنێ ل دۆر ئاریشێن د ناڤبەرا وان دا.

نەدا مێرگەسۆری ئه‌و ژى گۆت:” ب دیتنا من عیراقێ بەرھەڤی تێدا نینە بۆ برێڤەچوونا ھەلبژارتنەکا دی، چونکى ئەگەر ھەلبژارتن بھێتە كرن ژی پێدڤییە کۆتلا سەدرى پتری نیڤا کۆرسیێن پەرلەمانی بدەستڤە بینیت، داكو بشێت بێی لایەنێن دی حوکمەتەکا زۆرینە ل عێراقێ پێک بینیت ئەڤە ژی کارەکێ ب ساناھی نینە.