هیڤیدار ئه‌حمه‌د: مه‌ دڤێت پلێن فه‌رمانبه‌ران بهێنه‌ بلند كرن و بارێ حكومه‌تێ ژى گران نه‌بیت

هیڤیدار ئه‌حمه‌د جێگرێ سه‌رۆكێ لژنا دارایی ل په‌رله‌مانێ كوردستانێ بۆ سایتێ ( پ ، د ، ك، ) دیار كر: دناڤا لژنا دارایی دا لژنه‌كا لاوه‌كى هاتییه‌ دروستكرن و ئه‌ز سه‌رۆكێ وێ لژنێ مه‌ و نوكه‌ ئه‌م مژوولى ئاماده‌كرنا راپۆرته‌كێینه‌ و هێشتا ته‌مام نه‌بوویه‌ و نوكه‌ د دانوستاندنێ داینه‌ و هه‌ر ده‌مێ ته‌مام بۆ دێ بۆ حكومه‌تی ڤرێكه‌ین و مه‌ داتا وه‌رگرتینه‌، كا چه‌ند پله‌ هاتینه‌ بلند كرن و چه‌ندێن دى ژى ماینه‌ و كانێ دێ چه‌وا پلێن وان هێنه‌ بلند كرن، له‌وما مه‌ دڤێت پلیێن فه‌رمانبه‌ران بهێنه‌ بلند كرن و بارێ حكومه‌تێ ژى گران نه‌بیت، كا حكومه‌ت چه‌وا ده‌ست ب پله ‌بلندكرنی بكه‌ت و بۆ ڤێ مه‌ره‌مێ دێ میهڤاندارییا وه‌زیرێ دارایی كه‌ین داكو چه‌ندین روونكرنان ل سه‌ر ڤى بابه‌تی بده‌ت .

 هیڤیدار ئه‌حمه‌دى گوت ژى: مه‌ چه‌ند بژارده‌ ئاماده‌كرینه‌، داكو حكومه‌ت بشێت پله ‌بلندكرنا فه‌رمانبه‌ران ده‌ست پێبكه‌ت ژبه‌ركو ئه‌وێن سلكێ سه‌ربازى وه‌كو پۆلیس و ئاسایش و زێره‌ڤانى و ئه‌وێن سه‌ر ب وه‌زاره‌تا ناڤخۆ و پێشمه‌رگه‌یى ڤه‌ دێ پلێن وان هێنه‌ بلند كرن، لێ فه‌رمانبه‌رێن شارستانی یێن ماین و پلێن نیڤه‌ك مۆچه‌خۆران كو ل سلكێ سه‌ربازى دانه‌ هاتینه‌ بلند كرن و ئه‌وێن ماین فه‌رمانبه‌رێن شارستانینه‌، له‌وما مه‌ چه‌ند بژارده‌ ئاماده‌كرینه‌ كو پلێن وان ژى بهێنه‌ بلند كرن، ژبه‌ركو نابیت ئه‌وێن ماین پلێن وان نه‌هێنه‌ بلند كرن.