نێچیرڤان بارزانى بۆ محه‌مه‌د حاجى‌ مه‌حموودى : داخوازا سه‌ركه‌ڤتنێ بۆ هه‌وه‌ دكه‌م

سه‌رۆكێ هه‌رێما كوردستانێ ب هه‌لكه‌فتا 46 سالییا دامه‌زراندنا حزبا سوسیالیستا دیمۆكراتا كوردستانێ، په‌یامه‌كا پیرۆزباهییێ ئاراسته‌یى سكرتێرێ گشتى یێ ئه‌وێ حزبێ كر و گوت : داخوازا سه‌ركه‌ڤتنێ بۆ هه‌وه‌ دكه‌ین.

سه‌رۆكێ هه‌رێما كوردستانێ نێچیرڤان بارزانى دپه‌یامه‌كێ دا ب هه‌لكه‌فتا سالیادا دامه‌زراندنا حزبا سوسیالیستا دیمۆكراتا كوردستانێ، پیرۆزباهى ئاراسته‌یى سكرتێرێ گشتى یێ ئه‌وێ حزبێ محه‌مه‌د حاجى مه‌حموود كر و دیاركر، دڤێ بیره‌وه‌رییێ دا ئه‌و ب رێز ڤه‌ ته‌ماشه‌ى خه‌بات و قوربانییێن ئه‌وان دكه‌ن، و رۆل و بزاڤێن ئه‌وان بۆ ته‌بایى و ئێك رێزییێ دناڤبه‌را هێز و لایه‌نێن سیاسى یێن كوردستانێ دا بلند دهه‌لسه‌نگینن.

نێچیرڤان بارزانى ئاشكرا ژى كر، هیڤییا وان ئه‌وه‌ خزمه‌تكرنا ئه‌وان بۆ به‌رژه‌وه‌ندی و ئارمانجێن بلند و بده‌ستخستنا پاشه‌رۆژه‌كا باشتر بۆ هه‌رێما كوردستانێ و كۆمكرنا هه‌موو لایه‌نێن سیاسى و پێكهاته‌یان بیت.