<h2 style="text-align: justify;"><span style="font-size: 18pt;">د چارچووڤێ هه‌ڤپه‌یمانییا ناڤده‌وله‌تى یا دژى داعشێ دا ئه‌مریكا دێ 300 سه‌ربازان هنێریته عیراقێ و بۆ ده‌مێ 9 هه‌یڤان دێ ل ناڤ ئاخا عیراقێ مینن.</span></h2> <h2 style="text-align: justify;"><span style="font-size: 18pt;">ئارۆن لانگ، فه‌رماندێ پاسه‌وانییا نه‌ته‌وه‌ى یا ئه‌مریكا راگه‌هاند، سالانه هه‌ژماره‌كا هێزێن ئه‌مریكا ژ پاسه‌وانێن نه‌ته‌وه‌ى ل وه‌لاتێن جیهانێ دهێنه جێگیركرن، لێ ژ سالا 2008ێ و تا نوكه ئێكه‌م جاره ئه‌مریكا ڤێ هه‌ژمارا مه‌زن یا سه‌ربازان د هنێریته عیراقێ ب جاره‌كێ.</span></h2> <h2 style="text-align: justify;"><span style="font-size: 18pt;">نێزیكى 85 وه‌لاتان ل عیراقێ دناڤ هه‌ڤپه‌یمانییا دژى داعشێ دانه، وى فه‌رمانده‌ى دیارنه‌كرییه ئه‌و سه‌ربازێن دهێن دێ هاریكارییا كیش هێزان كه‌ن، لێ به‌رپرسێن ئه‌مریكى دیاردكه‌ن ئه‌و 300 سه‌رباز دێ بۆ هاریكارییا هێزێن ئه‌منى یێن ناڤا هه‌ڤپه‌یمانییا ناڤده‌وله‌تى ل عیراقێ هێنه جێگیركرن.</span></h2> <h2 style="text-align: justify;"><span style="font-size: 18pt;">ل گوره‌ى میدیایێن ئه‌مریكى، پترییا جاران سه‌ربازێن ئه‌مریكا خوبه‌خشانه داخوازدكه‌ن بچنه وه‌لاتێن دى، ئه‌ڤان 300 سه‌ربازان ژى به‌رى بچنه عیراقێ هه‌موو تشت ده‌رباره‌ى وى وه‌لاتى پێ هاتیه گۆتن.</span></h2> <h2 style="text-align: justify;"><span style="font-size: 18pt;">د نوكه‌دا 2500 سه‌ربازێن ئه‌مریكا ل عیراقێ هه‌نه كۆ د چارچووڤێ هه‌ڤپه‌یمانییا دژى داعشێ و هه‌روه‌سا هه‌ڤپه‌یمانییا ناتۆیێ دا راوێژان پێشكێشى هێزێن عیراقێ دكه‌ن.</span></h2>
