<h3 style="text-align: justify;"><span style="font-size: 18pt;">وه‌زیرێ موقته‌دا سه‌در، رێبه‌رێ ره‌وتا سه‌درى ل عیراقێ داخواز ژ لایه‌نگرێن سه‌درى كر، سوبه‌هى ل هه‌موو باژێران خۆپیشاندانان بكه‌ن.</span></h3> <h3 style="text-align: justify;"><span style="font-size: 18pt;">وه‌زیرێ سه‌درى دتویته‌كیدا داخواز ژ وان كه‌سان كر یێن چاكسازى دڤێت، سوبه‌هى ل ده‌مژمێر پێنجێ ئێڤارى ل هه‌موو پارێزگه‌هان خۆپیشاندانان بكه‌ن.</span></h3> <h3 style="text-align: justify;"><span style="font-size: 18pt;">هه‌روه‌سا گوت: خۆپیشاندانێن سوبه‌هى بۆ ترساندنا گه‌نده‌لكارانه و داخواز ژ خۆپیشانده‌ران كر فورمێن قانوونى بۆ هه‌لوه‌شاندنا په‌رله‌مانى پر بكه‌ن.</span></h3> <h3 style="text-align: justify;"><span style="font-size: 18pt;">ل رۆژا چارشه‌مبی 10 ته‌باخا 2022ێ، محه‌مه‌د سالح عیراقى یێ به‌رنیاس ب وه‌زیرێ سه‌درى داخواز ژ لایه‌نگرێن سه‌درى كر فورمێن قانوونى بۆ هه‌لوه‌شاندنا په‌رله‌مانى پر بكه‌ن، و شێوازێ تۆماركرنا سكالایێ بۆ هه‌لوه‌شاندنا په‌رله‌مانێ عیراقێ ل دادگه‌ها فیدرال دیاركربوو.</span></h3> <h3 style="text-align: justify;"><span style="font-size: 18pt;">سكالا ب دژى سه‌رۆكێ په‌رله‌مانى محه‌مه‌د حه‌لبوسى یه، ژبه‌ركو نه‌شیا كۆمبوونێن په‌رله‌مانى بۆ هه‌لبژارتنا سه‌رۆككومارى رێكبێخیت و ده‌مێ ده‌ستوورى یێ هه‌لبژارتنا سه‌رۆككومارى ب سه‌رڤه‌چوویه.</span></h3>
