بەرپرسەکێ پارتی: پێشبینی دھێتە کرن لایەنێن عێراقی ل ھەولێرێ کۆمببن

ئاژانسا خانی ” تایبەت:

بەرپرسەکێ پارتی دیموکراتی کوردستان ئاشکرا کر، سیاسەتا پارتی و سەرۆک بارزانی لدۆر چارەسەرکرنا ئاریشێن عێراقێ یا روونە و پێشبینی دھێتە کرن ڤێ جاری ژی لایەنێن عێراقی بۆ چارەسەرکرنا ئاریشێن خوە ل ھەولێرێ کۆمببن.

بلند ئیسماعیل، ئەندامێ جڤاتا سەرکرداتییا پارتی بۆ ئاژانسا خانی دیار کر” پێشبینی دھێتە کرن کۆمبوونێن سەرکردێن عێراقێ بۆ چارەسەرکرنا رەوشا نوکە یا عێراقێ ل ھەولێرێ بھێتە ئەنجامدان، ئەڤە ژی بۆڤێ چەندێ ڤەدگەڕیت ھەر دەمێ رەوشا عێراقێ گەھشتبیتە قووناغەکا مەترسیدار لایەنێن عێراقی ڤەگەڕیاینە بۆ سیاسەتا سەرۆک بارزانی.

ناڤهاتی گۆت ژی”ھەردەم پارتی بەرھەڤی چارەسەرکرنا ئاریشان بوویە ب رێیا دانوستاندنان ئەڤە ژی ئێکە ژ نھێنیا سەرکەفتنا پارتی، سوبەهی ٧٦ سال دێ بۆرن ل سەر دامەزراندنا پارتی، یا خویایە پارتی رۆژ بۆ رۆژێ ب ھێزترە و پێگەھێ پارتی بەرفرەھتر دبیت.