دهزگههێ لوتكه بۆ كاروبارێن ئاواره و پهنابهران راگههاند، چ بهلگه نینن كو وهلاتییێن ههرێما كوردستانێ یان عیراقێ دوێ بهلهمێدابن یا كو ل حهفتییا بوورى ل یونانێ نقومبووى.
ئهڤرۆ 17ى تهباخا 2022ێ دهزگههێ لوتكه ل دوور وێ بهلهما ل نێزیك پهراڤێن كارپاتۆس نقومبوویى و80 كوچبهر بهرزهبووین راگههاند، چ وهلاتییێن كورد و یێن عیراقى دناڤ رزگاربووی و بهرزهبوویێن وێ بهلهمێ دا نههاتینه تۆماركرن.
پشتى وێ روودانێ ب رۆژهكێ بهرپرسێن ئاسایشا بهرئاڤێن یونانێ راگههاند، پشتى روودانێ وان بزاڤێن مهزن بۆ رزگاركرنا كوچبهران كرن و دقۆناغا ئێكێ دا 29 كهس رزگاركرن كو ههموو زهلامن بوون و وهلاتییێن عیراق، ئهفغانستان و ئیرانێ بوون.
ژلایهكێ دیڤه دهزگههێ لوتكه دیاركر، پشتى دوڤچوونهكا درێژ یا نوونهرێن دهزگههێ لوتكه ل وهلاتێن یونان و توركیا و پهیوهندییێن بهردهوام دگهل بالیۆزخانهیا عیراقێ ل یونانێ، ههموو لایهنێن پهیوهندیدار یێن یونان و توركیا چ بهلگه نهدانه دهستێن وان كو دووپات بكهن كوچبهرێن عیراق و ههرێما كوردستانێ دووێ بهلهمێ دا بوون.
