پەرلەمانێ كوردستانێ دێ چه‌ندین پرۆژە قانوونان دەرکەت

ئاژانسا خانی، تایبەت:

بڕیارە ل دەستپێکا ھەیڤا بهێت پەرلەمانێ کوردستانێ دەست ب کۆمبوونێن خوە یێن ئاسایی بکەت و پەرلەمانتارەک ژی دبێژیت، ھژمارەکا پڕۆژە قانوون د بەرھەڤن بۆ پەسەند کرنێ.

وەیسی سەعید، پەرلەمانتارێ فڕاکسیۆنا پارتی بۆ ئاژانسا خانی دیار کر” بڕیارە ل دەستپێکا ھەیڤا بهێت بھێنڤەدانا پەرلەمانی ب دووماھی بھێت و پەرلەمان دێ دەست ب کۆمبوونێن خوە یێن ئاسایی کەت، ھژمارەکا پڕۆژە قانوونان ھەنە بەری نوکە خواندنا ئێکێ بۆ ھاتییە کرن و بڕیارە پەرلەمان خواندنا دویێ بۆ بکەت و بھێنە پەسەند کرن.

ناڤهاتی گۆت ژی” حوکمەتا ھەرێما کوردستانێ ژی ھژمارەکا پڕۆژان بەرھەڤکرینە و ئەم چاڤەڕێ دکەین پشتی دەستپێکرنا وەرزێ قانوون دانانێ بھێنە پەرلەمانی و پشتی رێکارێن قانوونی ئەو پڕۆژێن حوکمەتێ ژی بەرھەڤکری خواندنا ئێکێ بۆ بھێتە کرن.