کلارا عویشۆ:  دێ پەرلەمان ژییێ خوه‌ درێژ كه‌ت

ئاژانسا خانی ” تایبەت:

ئەندامەکا پەرلەمانێ کوردستانێ ئاشکرا کر، لایەنێن سیاسی لدۆر هەلبژارتنان نەگەهشتینە رێکكەفتنێ و ژییێ پەرلەمانی دێ هێتە درێژ کرن.

کلارا عودیشو، زێده‌تر بۆ ئاژانسا خانی دیار کر” لایەنێن سیاسی بۆچوونێن جۆدا لدۆر پرسا هەلبژارتنێن هەرێما کوردستانێ هه‌نه‌ و هەتا نوکە دانوستاندن دناڤبەرا لایەنێن سیاسی د بەردەوامن بۆ گەهشتنا رێکكەفتنێ، بەلێ یا دیارە هەلبژارتن د دەمێ دیاری کری ل 1 ی هەیڤا ئۆکتۆبەرا ئەڤ سالە ناهێنە ئه‌نجامدان، چونکهی دەم بۆ هەلبژارتنان نه‌مایه‌.

ناڤهاتی گۆت ژی” ژبۆ تێکنەچوونا سەقامگیریا سیاسی ل هەرێما کوردستانێ ئەز باوەرم دێ ژییێ ڤێ خۆلا پەرلەمانی هێتە درێژ کرن شەش هەیڤا هەتا سالەکێ، بەلێ پێدڤییە لایەنێن سیاسی بگەهنە رێکكەفتنێ و دناڤا پەرلەمانی دا دەنگ ل سەر بهێتە دان، هیچ لایەنەک نەشێت بڕیارێ بدەت بۆ درێژکرنا ژییێ پەرلەمانی، بەلکو پێدڤی ب ئێک دەنگیێ هەیە دناڤا لایەنێن سیاسی.