ل دەمێ وێنەکرنا فلمێ مارێ رەش دا ئەکتەرەک ژ قاتێ سییێ یێ ئاڤاهییەکێ دکەڤیتە خوار و رەوشا وی یا ساخلەمییێ یا خرابە.
دەرهێنەر هاورێ قادر رەشید، بۆ ئاژانسا خانی دیار کر: ناڤێ وی ئەکتەری محەمەد حەمزە مەجیدە، ئەو روودانە ل وی دەمی روودایە، کو ئەم مژوولی وێنەکرنێ بووین، ل لۆکەیشنەکێدا و ژ ئەنجامێ خەمسارییا هندەک کارمەندان ئەو روودانە چێبوویە، کو بانەکێ کەڤن بوویە، وی ئەکتەری ژی نەزانیبوو کو ئەو بان ل هندەک جهان یێ خرابە و هندەک دەپ ل سەر هەنە، دەمێ پێ وی کەفتییە سەر وان دەپان، ل قاتێ سییێ کەفتییە خوار”.
ناڤهاتی گۆت ژی: نوکە ئەو ئەکتەرە ل نەخۆشخانێ یە و نۆشداران ژی چ هیڤیێن باشبوونێ نە داینە مە، ئەو ئەکتەرە دناڤبەینا مرن و ژیانێ دایە، چونکی تووشی خوینبەربوونێ بوویە و نەشێن نشتەرگەری یێ ژی بۆ بکەن”.
