سەرۆك بارزانی پێشوازی ل شاندەكێ لەشکەری یێ بریتانیا کر

ئێڤاریا ئەڤرۆ چوار شەمبی 7-9-2022 ل سەلاحەدین سەرۆک مەسعود بارزانی پێشوازی ل مارشال سامی سامپسۆن شیرەتکارێ بلند یێ لەشکەری یێ بریتانیا بۆ رۆژهەلاتا ناڤەراست و باکوورێ ئەفریقیا و شاندێ دگەل دا کر.

د دیدارێ دا شیرەتکارێ بلند یێ لەشکەری یێ بریتانیا بۆ رۆژهەلاتا ناڤەراست و باکوورێ ئەفریقیا  پێگیربوونا وەلاتێ خۆ بۆ دوستایەتی و هەڤپەیمانیا دگەل هەرێما کوردستانێ و پشتەڤانی و هەما هەنگیا دگەل هێزێن پێشمەرگێ کوردستانێ دوپاتکر.

هەروەسا سوپاسیا ڕۆڵی سەرۆك بارزانی كرد بزاڤکرنا ئێکخستنا یەکەیێن پێشمەرگەی لبن چەترا وەزارەتا پێشمەرگەی یا حکومەتا هەرێما کوردستانێ.

دوپاتی ل وێ چەندێ ژی کر کو ماف ئیستیحقاقاتێن هەرێما کوردستانێ و پێشمەرگەی پێدڤیە د چوارچوڤێ رێکخستنا بەرەڤانیا عیراقێ د پاراستی بن.

هەر د وێ دیدارێ دا سەرۆک بارزانی پیرۆزباهیا دەستبکاربوونا حکومەتا نوو یا بریتانیا کر و سوپاسیا وەلاتێ بریتانیا و هەڤپەیمانان کر کو د شەرێ دژی داعش دا هاریکاریێن هێزێن پێشمەرگێ کوردستانێ بوون.

د پشکەکا دی یا دیدارێ دا سەرۆک بارزانی سەرەرای ئاماژە کرن ب رۆلێ پێشمەرگەی د خەباتا گەلێ کوردستانێ دا، دوپاتکر کو پێشمەرگە ب بیرو باوەرێن خۆ پارێزگارییێ ل دوزا رەوا یا گەلێ کوردستانێ و دوز و بهایێن مرۆڤی دکەت.

پێگیر ب چاكسازییا هێزێن پێشمەرگەی سەرۆك بارزانی راگەهاند كو پشتەڤانیا تەمام بۆ وەزارەتا پێشمەرگەی دکەت و ب پێدڤی زانی کو هێزا پێشمەرگێ کوردستانێ ئێک یەکا ژمێریاری هەبیت و لبن ئێک سەرکردایەتی بیت کو وەزارەتا پێشمەرگەی یا حکومەتا هەرێما کوردستانێ یە.