سەرۆکێ هەرێما کوردستانێ پێشوازی ل شاندەکێ پەرلەمانێ ئەلمانیا کر و د کۆمبوونهكێدا دا رەوشا ناڤخۆ یا هەرێما کوردستانێ، پەیوەندیێن هەولێر و بەغدا، گەفێن تیرۆرێ، پرۆسەیا دیمۆکراسییێ و مافێن مرۆڤی هاتنه بەحس کرن.
ل دووڤ بەیانەکا سەرۆکایهتییا هەرێما کوردستانێ نێچیرڤان بارزانی دکۆمبوونێ دا راگەهاندییە کو داعش هێشتا گەفە ل سەر عیراق و سووریێ و ژ بۆ ژناڤبرنا تیرۆرێ ئەو پێدڤی ب هاریکاریێن نێڤدەولەتی نە، هەروەسا داخواز ژ پەرلەمانێ ئەلمانیا کر ل هەیڤا بهێت بریارێ ل سەر درێژکرنا ئەرکێ هێزێن ئەلمانی ل عیراق و هەرێما کوردستانێ بدەن، و سوپاسیا هاریکاریێن مرۆڤی و سەربازی یێن ئەلمانیا بۆ عیراق و هەرێما کوردستانێ کر و دوپاتکر، عیراق و هەرێم بۆ پێشڤەچوونا سازیان و دیمۆکراسییێ و بنەمایێن مافێ مرۆڤی پێدڤی ب هاریکارییا ئورۆپانه.
ژلایێ خۆڤه شاندێ ئەلمانیا سوپاسییا رۆلێ هەرێما کوردستانێ و قارهمانییا پێشمەرگەیی د ژناڤبرنا داعشێ دا کر، ژ پێشڤەچوون و ئاڤەدانییا هەرێما کوردستانێ ژی خۆشحالبوو کو پشتی داعشێ پرۆسەیا ئاڤەدانییێ دەستپێکریە.
