د چارچووڤێ راسڤەكرنێن دەستووری دا، سەرۆكێ وەلاتێ كازاخستانێ بۆ جارا پێنجێ ناڤێ پایتەختێ وەلاتێ خوە گۆهۆری.
ناڤێ پێشتر یێ پایتەختێ وەلاتێ كازاخستانێ ( نور سولتان ) بوو كۆ ل سالا 2019ێ ب ناڤێ سەرۆكێ پێشتر یێ وی وەلاتی ( نورسولتان نازەربایێڤ ) هاتبوو ب ناڤكرن.
ل هەیڤا ئیلونێ یا ئەڤسالە، قاسم گۆمارت توكایێف، سەرۆكێ نوكە یێ وی وەلاتی ئیمزا ل سەر پرۆژە یاسایا گۆهۆرینا ناڤێ پایتەختی كر وەك ب دوماهیك هاتنا تەمام یا سەردەمێ سەرۆكێ بەرێ یێ وی وەلاتی، و ل شوینا ( نور سولتان ) ناڤێ پایتەختی بۆ ( ئەستانە ) هاتە گۆهۆرین.
ل سالا 1997ێ، پایتەختێ كازاخستانێ ژ ئەلما ئاتا هاتە ڤەگۆهاستن بۆ ئەكمۆلا ل ناڤەراستا وی وەلاتی. پاشان و ل سالا 1998ێ، ناڤێ ئەستانە ل شوینا ئەكمۆلا هاتە دانان كۆ رامانا وی ب زمانێ كازاخی ئانكۆ پایتەخت. ددویڤدا ناڤێ پایتەختی بۆ ( نور سولتان ) هاتە گۆهۆرین و ل ئیلونا ئەڤسالە سەرۆكێ وی وەلاتی ئەو ناڤ رەتكر و دوبارە ( ئەستانە ) وەك ناڤێ پایتەختی هاتە دانان.
