دانانا ماستەر پلانەکێ بۆ درووستکرنا ئاڤرێژان ل قەزا ئامێدییێ هاتە گوتوبێژکرن

د کۆمبوونەکێدا ل ئاڤاهییێ دەڤەردارییا ئامێدییێ دەڤەردارێ ئامێدییێ تەکەز ل سەر درووستکرنا ئاڤرێژ و سولینێن ئاڤێ کر بەری درووستکرنا هەر پرۆژەکی.

 ب بەرهەڤبوونا ئەندازیار یونس جانو رێڤەبەرێ سولینێن پارێزگەها دهوکێ و سەرۆکێن هەموو باژێرڤانیێن سنۆرێ دەڤەردارییا ئامێدییێ کۆمبوونەک ل دۆر چه‌وانییا درووستکرنا سولین و ئاڤرێژان ل سنۆرێ هەر باژێرڤانییەکێ هاتەکرن.

دکۆمبوونێ دا وارشین سەلمان ، دەڤەردارێ ئامێدییێ و بەرهەڤبوویان هەماهەنگی یا دناڤبەرا رێڤەبەرییا سولینێن دهوکێ و سەرۆکێن باژێرڤانییان ب گرنگ زانی ل دەمی درووستکرنا پرۆژێن جادەیان سولین و ئاڤرێژ ل سنۆرێ هەر باژێرڤانییه‌كێ بهێنە چێکرن، هەروەسا بەحس ل دانانا ماستەر پلانەکێ کر بۆ چه‌وانییا درووستکرنا سولینان بو پروژێن بهێت ئەوێن کو بریارە ل دەڤەرێ بهێنە بجهئینان، ژبلی بەحسکرنا پاقژکرنا سولین و ئاڤرێژان ل سنۆرێ هەر باژێرڤانییه‌كێ وەک بەرهەڤی بۆ وەرزێ زڤستانێ ژ بۆ درووست نەبوونا لەهییان و پاقژ راگرتنا باژێران .