په‌یڤدارێ ئۆپەراسیۆنێن هه‌ڤپشك: ل ڤان نێزیكان هه‌ردو لیوا یێن هه‌ڤپشك دێ  ده‌ست ب کار بن

په‌یڤدارێ فەرمانده‌یا ئۆپەراسیۆنێن هه‌ڤپشك یێن عێراقێ دیار كر: هەموو کارێن هه‌ردو لیوایان هاتینه‌ ته‌مام کرن و ” گه‌له‌ك نه‌مایه‌ دەست ب کار بن”، ب تنێ جێگیرکرنا پلەیێن دامەزراندنا سەربازێن هه‌ردو لیوایان ماینه‌.

لیوا تەحسین خەفاجی، گۆت ژی: “بابەتێ هه‌ردو لیوایێن تایبەت و هه‌ڤپشك لده‌ف فەرماندەیا ئۆپەراسیۆنێن هه‌ڤپشك زۆر یا گرنگە، چونکی ئەو هه‌ردو لیوایە دێ بنە ئه‌گه‌رێ زێده‌بوونا هه‌ماهەنگییا دناڤبه‌را مە و هێزێن پێشمەرگەیی دا”.

ناڤهاتی ئه‌و ژی گۆت:  هه‌ماهەنگییا دناڤبه‌را وان و هێزێن پێشمەرگه‌یی دا ” نوكه‌ د ئاسته‌كێ گه‌له‌ك بلند دایه‌” و ب دەست ب کاربوونا  وان هه‌ردو  لیوا یێن هه‌ڤپشك دێ ئه‌و هه‌ماهەنگییە پتر لێ هێت .