ب ئەگەرێ بلندبوونا بهایێ دۆلاری و زۆربوونا نەخۆشان و نەبوونا چاڤێرییێ ل سەر بازاری، بهایێ دەرمانان ل عیراقێ 23% بلندبوویە.
دەمەكە دەرمان ل نەخۆشخانێن گشتی یێن عیراقێ كێم بووینە و ل دەرمانخانان ژی بهایێ وان گەلەك گران بوویە. بهایێ دەرمانان ژلایێ لیژنەیەكا پێنج كەسی یا وەزارەتا ساخلەمییێ ڤە دهێنە دیاركرن، سەندیكا دەرمانسازان ژی چاڤدێرییا بهایان دكەت، لێ نەشیایە كۆنترۆل بكەت.
سەندیكا دەرمانسازێن عیراقێ ژی دیاردكەت، ئەگەرێ بلندبوونا بهایێ دەرمانان دیاركرنا بهایێ دۆلاری یە ل بەرامبەر دینارێ عیراقی. هەروەسا 30% یا دەرمانان ل عیراقێ بها ل سەر هاتییە دیاركرن، 70% یا دی ب رێیێن قاچاخ دهێنە هاوردەكرن.
ل دویڤ ئامارێن سەندیكا دەرمانسازێن عیراقێ، 1100 كۆمپانیێن تایبەت ب دەرمانان، و 9023 جۆرێن دەرمانان ب فەرمی ل عیراقێ هاتینە تۆماركرن.
