ئیلۆن ماسك دێ ئنته‌رنێتێ بۆ رۆژهه‌لاتێ كوردستانێ دابینكه‌ت

وه‌زاره‌تا گه‌نجیه‌یا ئه‌مریكا ره‌زامه‌ندى ل سه‌ر دابینكرنا ئنته‌رنێتێ ب رێكا هه‌یڤا ده‌ستكر بۆ ئه‌وان ده‌ڤه‌رێن ئیران و رۆژهه‌لاتێ كوردستانێ نیشاندا ئه‌وێن ب ئه‌گه‌رێ خۆپیشاندان و نه‌رازیبوونان هێلا ئنته‌رنێتێ لێ هاتییه‌ سنۆرداركرن.

پشتى خودانێ كۆمپانییا ستارلینك ئیلۆن ماسكى ئاماژه‌ ب هندێ كرى كو یێ به‌رهه‌ڤه‌ خزمه‌تگوزارییا ئنته‌رنێتێ ب گه‌هینته‌ ئه‌وان ده‌ڤه‌رێن ئیرانێ یێن كو حكومه‌تێ ژبه‌ر نه‌رازیبوون و خۆپیشاندانان هێلا ئنته‌رنێتێ لێ سنۆرداركرى، وه‌زاره‌تا گه‌نجیه‌یا ئه‌مریكا به‌رسڤا ویدا و دیاركر، ئه‌و پێشوازییا هه‌ر ده‌ستپێشخه‌ری و داخوازییه‌كێ بۆ گه‌هاندنا خزمه‌تگوزارییا هێلا ئنته‌رنێتێ و هه‌ر پرۆگرام و ئامیره‌كێ په‌یوه‌ندیكرنێ بۆ ده‌ڤه‌رێن ئیرانێ و پشته‌ڤانییا بكارئینانا ئنته‌رنێتێ ل ئه‌وى وه‌لاتى دكه‌ن.

ئه‌ڤ داخویانییا ماسكى هات، پشتى هژماره‌كا چالاكڤانێن ئیران و رۆژهه‌لاتێ كوردستانێ داخواز ژێ كر وه‌كو وه‌لاتێن دى خزمه‌تگوزارییا ئنته‌رنێتێ ب رێكا هه‌یڤا ده‌ستكر و ب كوالیتییه‌كا باش بگه‌هینته‌ وه‌لاتییێن ئیرانێ، داكو ده‌نگێ نه‌رازیبوونێ بگه‌هیننه‌ هه‌موو جیهانێ.