شایسته‌یێن دارایى یێن جووتیاران دێ هێنه‌ به‌لاڤكرن

وه‌زاره‌تا بازرگانى و پیشه‌سازییا حكومه‌تا هه‌رێما كوردستانێ ئاشكراكر، ل حه‌فتییا بهێت دێ ده‌ست ب به‌لاڤكرنا پاره‌یێ جووتیاران بۆ سالا 2022ێ هێته‌كرن.

رێڤه‌به‌رێ گشتى یێ بازرگانى نه‌وزاد شێخ كامل راگه‌هاند، چه‌كێ دووماهى كوژمێ پاره‌یێ جووتیاران بۆ سالا 2022ێ كو 34 ملیار و 613 ملیۆن و 44 هزار دینارن گه‌هشتییه‌ ده‌ستێ وان و دێ ب ئه‌ڤى شێوه‌یى هێته‌ به‌لاڤكرن.

هه‌ولێر – 22 ملیار و 687 ملیۆن دینار

سلێمانى – هه‌شت ملیار و 798 ملیۆن دینار

دهۆك – سێ ملیار و 128 ملیۆن و 77 هزار دینار

رێڤه‌به‌رێ بازرگانى ئاماژه‌ دا هندێ، ل ده‌ستپێكا حه‌فتییا بهێت پشتى بدووماهى هاتنا رێكارێن كارگێرى و دارایى دێ ده‌ست ب به‌لاڤكرنا ئه‌وى پاره‌ى هێته‌ كرن.