ب ئەگەرێ هێرشێن ئێك ل دویڤ ئێك یێن چەند هەیڤێن بووری، لوبنانێ هەمی بەنك و سازییێن دارایی یێن وەلاتێ خوە بۆ دەمەكێ نەدیار داخستن.
پشتی رۆژا دووشەمبی بۆ دەمێ سێ رۆژان هاتینە داخستن، كۆمەلا بەنكێن لوبنانێ دەمێ داخستنێ بۆ دەمەكێ نەدیار درێژكر، داخستنا بەنكان ژی گرفتێن مەزن بۆ وان كەسان درۆستكرینە یێن پارێ خوە دانایە بەنكان یان مووچێن خوە ژێ وەردگرن كۆ نوكە نەشێن پارێن خوە وەرگرن.
شرۆڤەكارێن دارایی یێن وی وەلاتی ژی ئاشكەرا دكەن، داخستنا بەنكان دێ یا بەردەوام بیت و دێ كارتێكرنێن مەزن ل سەر وان كۆمپانییان هەبیت یێن كارێن وان ب بەنكان ڤە گرێدای و دێ نەچار بن كۆمپانییێن خوە دایێخن.
رۆژا 11ی ئابا ئەڤسالە، كەسەكی ب ناڤێ بەسام شێخ حسێن هێرش كرە سەر بەنكەكێ و كارمەندێن وێ هەمی ب دیل گرتن.
رۆژا 14ی ڤێ هەیڤێ ژی ئافرەتەكێ ب چەكی هێرش كرە سەر بەنكەكێ و 13 هزار دۆلار ژ هەژمارا خوە ئینانە دەر كۆ 20 هزار دۆلار تێدابوون و دیار كر، ئەو پارە بۆ چارەسەرییا خویشكا وێ نە كۆ تووشی نەخۆشییا پەنجەشێرێ بوویە.
رۆژا 16ی ڤێ هەیڤێ ژی دو كەسێن دی هێرش كرە سەر بەنكەكێ و 12 هزار دۆلار ژێ ئینانەدەر.
