بارسێلۆنا دخوازیت جاره‌كا دی مێسی ڤه‌گه‌ریته‌ڤه‌ كامپ نوو

یانا بارسێلۆنا ب رژدی هزر ل ڤه‌گه‌راندنا لیۆنێل مێسی، ستێرا ئەرجەنتینی و یانا پاریس سانجێرمان بۆ وێ یانێ دكه‌ت و د هه‌مان ده‌مدا کارگێریا یانا بارسێلۆنا دخوازیت ل گەل ب دووماهی هاتنا گرێبەستا وی، دوبارە وی ڤەگەریننە ناڤا رێزێن خۆ.

رۆژناما مۆندۆ دیپۆرتیڤۆ دبێژیت؛ بارسێلۆنا باوه‌ری ب ڤه‌گه‌راندنا مێسی بۆ وێ یانێ هه‌یه‌” داكو رێزه‌كا مه‌زن لێ بگرن” لێ هه‌تا نوکە چ کۆمبوونێن فەرمی د ناڤبەرا مێسی و کارگێریا بارسێلۆنا دا دا نەهاتینە ئه‌نجام دان، پشتی چوونا مێسی په‌یوه‌ندی یێن وی و خوان لاپۆرتایی جۆره‌ ساربوونه‌ك پێڤه‌ دیاره‌.

کارگێریا یانا بارسێلۆنا مەرجه‌ك بۆ ڤەگەراندنا مێسی هەیە، ئه‌و ژی ئه‌وه‌  مووچێ خۆ کێم بکەت و ب پلانێن چاڤی رازی ببیت.