<h3 style="text-align: justify;"><span style="font-size: 18pt;">ب مه‌ره‌ما بلندكرنا ئابوورێ بریتانیا و دابینكرنا ده‌ستێ كارێ زێده‌تر، سه‌رۆكوه‌زیرێن بریتانیا لیز تره‌س پلان هه‌یه ئاسانكارییان د پێدانا ڤیزێدا بكه‌ت.</span></h3> <h3 style="text-align: justify;"><span style="font-size: 18pt;">رۆژنامه‌یا گاردیان یا بریتانى ئاشكراكر، بریتانیا دێ كرێكارێن بیانى وه‌رگریت و ئاسانكارییان دمه‌رجێن پێدانا ڤیزێدا كه‌ت، ژبه‌ركو ده‌ستێ كارى ل ناڤه‌ندێن بازرگانى و پیشه‌سازی كێمبوویه.</span></h3> <h3 style="text-align: justify;"><span style="font-size: 18pt;">رۆژنامه‌یێ ئاماژه ب هندێ دا، سه‌رۆكوه‌زیرێن نوو یا بریتانیا لیز تره‌س دێ مه‌رجێن پێدانا ڤیزێ بۆ كرێكارێن بیانى ئاسانتر لێكه‌ت و پێشبینى دهێته كرن قانوونێن گرێدا كوچبه‌ران ب هه‌لوه‌شینیت.</span></h3> <h3 style="text-align: justify;"><span style="font-size: 18pt;">لیز تره‌س دماوێ كه‌مپینه‌یا خوه‌دا بۆ سه‌رۆكایه‌تییا پارتا خوه سۆزدابوو ده‌ستێ كارى بۆ كه‌رتێ چاندنێ دابین بكه‌ت، كو ب ئه‌گه‌رێ ره‌شنڤیسێ بریكسێت و قانوونا گرێدا كوچبه‌ران، خۆدان كارێن بریتانیا تووشى كێمییا ده‌ستێ كارى ببوون، و خۆدان كاران نه‌رازیبوونێن خوه دیاركربوون و داخواز ژ حكومه‌تا بریتانیا كربوو مه‌رجێن پێدانا ڤیزێ رابگریت.</span></h3> <h3 style="text-align: justify;"><span style="font-size: 18pt;">ژلایه‌كێ دیڤه ئاژانسا ئه‌سوشیه‌یتد پرێس یا ئه‌مریكى به‌لاڤكر، ئیداره‌یا بریتانیا ره‌ت نه‌كرییه كو سه‌رۆكوه‌زیران پلان هه‌یه ئاسانكارییان بۆ هاتنا كرێكارێن بیانى بكه‌ت.</span></h3>
