حه‌لبووسی: بڕیارا ده‌ست ژ ‌كاركێشانا من كاریگه‌ری ل‌ سه‌ر روونشتنا جڤاتا نوونه‌ران نابیت

ئه‌ڤرۆ دوشه‌مبی 26 ئیلۆنا 2022 ێ” سه‌رۆكێ جڤاتا نوونه‌رێن عيراقێ ئه‌گه‌رێن ده‌ست ژ كاركێشانا خۆ ژ پۆستێ سه‌رۆكێ په‌رله‌مانى دیار كرن و گۆت: پۆست ته‌كليفن و نه‌كو ته‌شريف.

محه‌مه‌د حه‌لبووسى د سميناره‌كێ دا ل ديدارا رافيده‌ين دیار كر: ژڤان بوو  به‌رى چلينيیێ روونشتنا جڤاتا نوونه‌ران بهێته‌ كرن، هه‌روه‌سا ل 20 ى ڤێ مه‌هێ ژى ژڤانێ روونشتنه‌كا دى بوو” به‌لێ ژ به‌ر رێكارێن ئێمناهيیێ هاته‌ پاشخستن.

ئه‌و ژی گۆت: من ده‌ست ژ كاركێشانا خۆ پێشكێشكر بێى بۆچوونا كه‌سی وه‌ربگرم” چونكی پۆست ته‌كليفن و نه‌كو ته‌شريف و هه‌ر كه‌سێ ل هه‌ر جهه‌كێ بيت پێدڤيیه‌ گرنگيیا قووناغێ بزانيت.

ناڤهاتی ئاشكرا كر ژی:  ده‌ست ژ كاركێشانا من نابيته‌ ئاسته‌نگ د رێیا گرێدانا روونشتنا جڤاتا نوونه‌ران دا .