ئه‌لمانیا داخوازا راگرتنا هێرشێن ئیرانێ بۆ سه‌ر ئه‌ردێ هه‌رێما كوردستانێ دكه‌ت

وه‌لاتێ ئه‌لمانیا ل دوور هێرش و بوردۆمانێن ئیرانێ بۆ سه‌ر ئه‌ردێ هه‌رێما كوردستانێ هاته‌ ده‌نگ و داخوازا راگرتنا بله‌ز یا ئه‌وان هێرشان كر.

ئه‌ڤرۆ 28ى ئه‌یلولا 2022ێ كونسۆلێ ئه‌لمانیا ل هه‌رێما كوردستانێ په‌یامه‌ك ل دوور هێرش و بوردۆمانێن كۆمارا ئیسلامى یا ئیرانێ بۆ سه‌ر ئه‌ردێ هه‌رێما كوردستانێ ل سه‌ر ئه‌كاونتێ خوه‌ یێ تویته‌رى به‌لاڤكر و گوت: ئه‌و ژ هێرشێن ئیرانێ بۆ سه‌ر هه‌رێما كوردستانێ دلگرانن، ب مخابنیڤه‌ خه‌لكێ مه‌ده‌نى بوو قوربانێ ئه‌ڤان هێرشان، و ئاماژه‌ ب وێ چه‌ندێ دا، ئه‌و هێرشه‌ پێشلكارییا سه‌روه‌رى و ئێكپارچه‌یا ئه‌ردێ عیراقێ نه‌، و داخوازێ ژ ئیرانێ دكه‌ن هه‌ر زوو ئه‌وان هێرشان ب راوه‌ستینن.