ئه‌مریكا ئیدانه‌یا بوردۆمانا ئیرانێ بۆ سه‌ر هه‌رێما كوردستانێ دكه‌ت

وه‌زاره‌تا ده‌رڤه‌ یا ئه‌مریكا ئیدانه‌یا تۆپبارانێن ئیرانێ بۆ سه‌ر چه‌ند ده‌ڤه‌رێن هه‌رێما كوردستانێ كر و ئه‌و بوردۆمانه‌ ب پێشلكرنا سه‌روه‌رییا عیراقێ هژمارت.

دپه‌یاما وه‌زاره‌تا ده‌رڤه‌ یا ئه‌مریكا دا هاتییه‌، مووشه‌كبارانكرن و توپبارانكرنێن ئیرانێ دبێى به‌هانه‌نه‌ و سه‌روه‌ری و سه‌قامگێرییا عیراقێ پێشلكرییه‌.

ئه‌ڤرۆ 28ی ئه‌یلولا 2022ێ باره‌گا و كه‌مپێن ئاكنجیبوونێ یێن خه‌لكێ سڤیلێ حزبا دیموكراتا كوردستانێ ل كویه‌ و كومه‌لا زه‌حمه‌تكێشێن كوردستانا ئیرانێ ل سلێمانییێ و پارتا ئازاد یا كوردستانێ ( پاك ) ل پردێ بوونه‌ ئارمانجا هێرشێن درۆن و تۆپخانه‌یێن ئیرانێ.

ل دووڤ دووماهى ئامارێن وه‌زاره‌تا ساخله‌مییا حكومه‌تا هه‌رێما كوردستانێ، دئه‌نجامێ تۆپبارانێن ئه‌ڤرۆدا، نه‌هـ كه‌سان گیانێ خوه‌ ژ ده‌ستدا و 32 كه‌سێن دى ژى برینداربوون.