<h3 style="text-align: justify;"><span style="font-size: 18pt;">باره‌گایێ بارزانى راگه‌هاندنه‌ك ل دوور هێرشێن ئیرانێ ل سه‌ر ئه‌ردێ هه‌رێما كوردستانێ به‌لاڤكر و تێدا دیاركر، ئه‌ڤه بۆ چه‌ندین جارانه هه‌رێما كوردستانێ دكه‌ڤتیه ژێر هێرشێن مووشه‌كى و بوردۆمانێن هێزێن ئیرانێ، ئه‌و ئیدانه‌یا ئه‌وان هێرشان دكه‌ن ژبه‌ركو بوونه ئه‌گه‌رێن كوشتن و برینداربوونا وه‌لاتییێن مه‌ده‌نى و ژن و زارۆكێن بێ گونه‌هـ و دراستیدا ئه‌ڤ چه‌نده تاوانكارییه، دهه‌مان ده‌مدا ئه‌ڤ بوردۆمان و هێرشه پێشلكرنا بنه‌مایێن جیران و دوستایه‌تى و سه‌روه‌رییێ نه و چ به‌هانه بۆ نابن و دژى به‌رژه‌وه‌ندى و سه‌قامگێرییا هه‌رێما كوردستانێ نه.</span></h3> <h3 style="text-align: justify;"><span style="font-size: 18pt;">هه‌روه‌سا دراگه‌هاندنا باره‌گایێ بارزانیدا هاتییه، مووشه‌كبارانكرن چاره‌سه‌رییا كێشه‌یان ناكه‌ت و پێدڤییه ئێدى ئه‌ڤ رێكه نه‌هێنه بكارئینان كو ژبلى تاوانكارى و نه‌سه‌قامگێرییێ چ به‌رهه‌مێن دى بۆ نابن، و زێده‌تر ئاشكراكر، ئه‌و دخوازن بله‌ز ئه‌و هێرش و بوردۆمانه بهێنه راگرتن و هه‌رێما كوردستانێ جاره‌كا دى نه‌بیته مه‌یدانا ئێكلاكرنا ئاریشه و ناكوكییێن نافخۆ یێن وه‌لاتێن جیران.</span></h3> <h3 style="text-align: justify;"><span style="font-size: 18pt;">باره‌گایێ بارزانى</span></h3> <h3 style="text-align: justify;"><span style="font-size: 18pt;">28ى ئه‌یلولا 2022ێ</span></h3>
