<h3 style="text-align: justify;"><span style="font-size: 18pt;">وهزارهتا پێشمهرگهى یا حكومهتا ههرێما كوردستانێ راگههاندنهك ل دوور بوردۆماننێن ئهڤرۆ یێن ئیرانێ بۆ سهر بهشهكێ سهنگهرێن پێشمهرگهى بهلاڤكر.</span></h3> <h3 style="text-align: justify;"><span style="font-size: 18pt;">دراگههاندنا وهزارهتا پێشمهرگهیدا هاتییه، ئهڤرۆ 28ى ئهیلولا 2022ێ ل سنۆرێ سهنگهرێ پێنجێ یێ هێزێن پێشمهرگهى، بهشهك ژ سهنگهرێن پێشمهرگهیێن پارتا ئازادى كوردستان ژلایێ فرۆكهیێن بێ فرۆكهڤانڤه هاتنه بوردۆمانكرن.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى هاته دان، بوردۆمان ب دوو گهران بوو، گهرا ئێكێ ل دهمژمێر 10:30ێ بوو، گهرا دووێ ژى ل دهمژمێر 13:20ێ بوو، ب مخابنیڤه د بوردۆماناندا ژمارهكا پێشمهرگهى شههید و برینداربوون، ههروهسا چهند رۆژنامهڤان ژى برینداربوون و دناڤدا پهیامنێر و وێنهگرێن كهنالێ كوردستان 24ێ بوون.</span></h3> <h3 style="text-align: justify;"><span style="font-size: 18pt;">وهزارهتا پێشمهرگهى ئهوژى ئاشكراكر، ئهڤ روودانه د دهمهكیدایه، هێزێن پێشمهرگهى سهنگهرێن خوه ل تیرۆرستان گرتینه و رووبروو وان بووینه كو بووینه بهشهك ژ مهترسییێن سهر ئاسایشا نیشتیمانى یا عیراق و ههرێما كوردستانێ.</span></h3> <h3 style="text-align: justify;"><span style="font-size: 18pt;">ههروهسا دووپاتكر، ئهو ل شانهیا راگههاندن و هووشیارى یا پێشمهرگهى ئیدانهیا ئهوان بوردۆمانان دكهن، و داخوازێ دكهن بلهز ئهڤ كارێن كرێت ل سهر سهنگهرێن هێزێن پێشمهرگهى بهێنه راگرتن.</span></h3>
