بریارا دامه‌زراندنێ بۆ سێ ئێكه‌مێن هه‌رێمێ یێن سالێن بوورى هاته‌ دان

جڤاتا وه‌زیرێن هه‌رێما كوردستانێ بریار‌دان ب دامه‌زراندنا سێ ئێكه‌مێن سالێن بووری كو به‌ری نوكه‌ بریارا دامه‌زراندنێ بۆ هاتبوو دان، به‌لێ ژبه‌ر چه‌ند ئه‌گه‌رێن جۆدا ده‌ستبكارنه‌ببوون، ژمارا وان 42 قوتابینه‌ دشێن هه‌ر ژنوكه‌ سه‌ره‌دانا زانكۆ و په‌یمانگه‌هان بكه‌ن ب مه‌ره‌ما ده‌ستبكاربوونێ.

 ب نڤێسینا ژمارا هزار و 680 كو ئیمزا مه‌سرور بارزانی سه‌رۆكێ حكومه‌تا هه‌رێما كوردستانی ل سه‌ره‌ و رۆژا 25-9-2022 ده‌ركه‌ڤتییه‌، د وێ نڤیسانێدا ئاماژه‌ ب دامه‌زراندنا سێ ئێكه‌مێن سالێن بووری هاتییه‌ كرن كو ب هه‌ر ئه‌گه‌ره‌كێ هه‌بیت پشتی بریارا دامه‌زراندنێ ده‌ستبكار نه‌ببوون و تێداهاتییه‌، مه‌ بریارا دامه‌زراندنا وان 42 قوتابیێن ناڤ و زانیاریێن وان دلیستێدا ده‌ركر، ب مووچه‌ و ده‌رماله‌ و شایسته‌ ل رێكه‌ڤتی ده‌ستبكاربوونێ.

28-9-2022 ئامانج ره‌حیم سكێرتێرێ جڤاتا وه‌زیران ئاشك‌راكر، ئه‌و قوتابیێن ده‌رچوویێن به‌ری سالا 2016-2017 نه‌، یێن دده‌مێ خوه‌ دا حكومه‌تا هه‌ریما كوردستانێ بریارا دامه‌زراندنێ بۆ وان ده‌رێخستی، به‌لێ به‌شه‌ك ژوانا ئاگه‌هدار نه‌ببوون كو یێن هاتینه‌ دامه‌زراندن یان ب هه‌ر ئه‌گه‌ره‌كێ هه‌بیت ده‌ستبكار نه‌ببوون، ژبه‌ر ڤێ چه‌ندێ دووباره‌ فه‌رمانا دامه‌زراندنا وان هاته‌ نووكرن.

ب گوتنا سكێرتێرێ جڤاتا وه‌زیران و وه‌زاره‌تا خاندنا بلند ب لیسته‌كێ ناڤی وان قوتابیان بۆ هاتییه‌ هنارتن، ئه‌و ژی دامه‌زراندنا وان قوتابیان هاتییه‌ نووكرن، ژبه‌ر ڤێ چه‌ندێ قوتابیێن دامه‌زراندی دشێن سه‌ره‌دانا زانكۆ په‌یمانگه‌هان بكه‌ن یێن لێ هاتینه‌ دامه‌زراندن و ده‌ستبكارببن.