<h3 style="text-align: justify;"><span style="font-size: 18pt;">ئهڤرۆ 29ى ئهیلولا 2022ێ سهرۆك بارزانى ل پیرمام پێشوازى ل بالیۆزێ ڤاتیكان ل عیراقێ میتیا لێسكۆڤار كر.</span></h3> <h3 style="text-align: justify;"><span style="font-size: 18pt;">د دیدارهكێدا بالیۆزێ ڤاتیكان ل عیراقێ ب ناڤێ دهولهتا ڤاتیكان ب توندى ئیدانهیا هێرش و بوردۆمانێن ئیرانێ بۆ سهر دهڤهرێن جوودا یێن ههرێما كوردستانێ كر و سهرهخۆشى ل سهرۆك بارزانى و گهلێ كوردستانێ بۆ قۆربانییێن بوردۆمانان كر.</span></h3> <h3 style="text-align: justify;"><span style="font-size: 18pt;">بالیۆزێ ڤاتیكان ل عیراقێ پێزانین بۆ پێگههـ و رۆلێ سهرۆك بارزانى د خهباتا گهلێ كوردستانێ و بهرقهراركرنا ئاشتییێ دا ههبوون، ههروهسا زێدهبارى دهربرینا پێزانیێن خوه بۆ كولتۆرێ پێكڤهژیانا گهلێ كوردستانێ، سوپاسییا گهلێ كوردستانێ ژى كر كو درۆژێن دژواردا پێشوازییا ب سهدان هزاران ئاواره و پهنابهران ژ پێكهاتهیێن جوودا ب تایبهت كریستیانان كر.</span></h3> <h3 style="text-align: justify;"><span style="font-size: 18pt;">دههمان دیدار دا سهرۆك بارزانى ئاماژه دانه فهرههنگا پێكڤهژیانێ دناڤ گهلێ كوردستانێدا و دووپاتى ل هندێ كر، گهلێ كوردستانێ دێ د پێشڤهبرنا ئهوێ فهرههنگێدا یێ بهردهوامبیت و ئهگهر چهند دهنگێن نهخۆش بۆ دژایهتییا پێكڤهژیانێ ههبن ژى، ل دهڤ گهلێ كوردستانێ ناهێنه پهسهندكرن.</span></h3> <h3 style="text-align: justify;"><span style="font-size: 18pt;">د درێژاهییا دیدارێدا هزر و بیر ل دوور رهوشا سیاسى یا عیراقێ هاتنه لێكگوهارتن، سهرۆك بارزانى دووپاتكر، پێدڤییه ئاریشهیێن عیراقێ ل سهر بنهمایێ دانوستاندنان بهێنه چارهسهركرن.</span></h3> <h3 style="text-align: justify;"><span style="font-size: 18pt;">ل دووماهییا دیدارێ بالیۆزێ ڤاتیكانێ سوپاسییا گهلێ كوردستانێ و دامهزراوهیێن ههرێما كوردستانێ بۆ پێشوازى و مێڤاندارییا قهداسهتا پاپاى كر، و ب وێ ههلكهفتێ دیارییهكا تایبهت پێشكێشى سهرۆك بارزانى كر.</span></h3>
