سەرۆکێ لژنا پەیوەندی یێن دەرڤه یێ پهرلەمانێ فرەنسا پێزانین بۆ ڕۆلێ حەکیمانە یێ سەرۆک بارزانی ل رهوشا عێراقێ و کوردستان هەبوو و ڕاگەهاند” كو سەرۆک ماکرۆنی ئهو راسپاردییە كو سەرهدانا سەرۆک بارزانی بکهت بۆ وەرگرتنا بیر و بۆچوونێن وی ل سهر رهوشا سیاسییا عیراقێ.
د وێ دیدارێ دا رهوشا سیاسییا عێراقێ خستە بەر بهحسان و بیرورا دهربارەیی وێ ڕێککەفتنێ هاتنه لێكگوهۆرین یێن كو دناڤبهینا چارچۆڤێ هەماهەنگییێ و سوننە و کوردان ل سەر بنەمایێ دەستووری هاتینه ئەنجام دان، دووپاتی ل هندێ كر كو کێشێن عێراقێ ب ڕێیا گوتۆبێژان بهێته چارەسەر كرن.
یا گرێدایی هێرشێن مووشەکی یێن کۆمارا ئیسلامییا ئیرانێ بۆ سەر هەرێما کوردستانێ، هەردو ئالییان لێدانا خەلكێ سڤیل و بۆردومانكرنا قوتابخانان و جهێن مەدەنیان ب تاوانهكا مهزن ل قەلەم دا.
سەرۆک بارزانی سوپاسییا گەل و حکومەتا فرەنسا کر کو ل رۆژێن سەخت دا پشتهڤانییا گەلێ کوردستانێ كرییه ب تایبەتی هاتنا سەرۆک ئۆڵاند ل دهمێ هێرشا داعشێ بۆ سەر کوردستانێ ئاماژەكا مهزنا دۆستایەتییا گەلێ فرەنسا و گەلێ کوردستانێ بوو.
سەرۆکێ لژنا پەیوەندی یێن دهرڤه ل پەرلەمانێ فرەنسا دیار كر: وهلاتێ وی دێ بەردەوام بیت ل سهر پشتهڤانی و دۆستایەتییا گەلێ کوردستانێ” ل دووماهییا وێ دیدارێ دا میدالییا پەرلەمانێ فرەنسا وەک دیاری پێشکێشی سەرۆک بارزانی کر.
