<h2 style="text-align: justify;"><span style="font-size: 18pt;"><strong>وهزارهتا دەرڤە یا ئیرانێ، ڕەتکر کو وان هیچ فرۆکەیەکا بێ فرۆکەڤان د شەڕێ ئۆکراینا دا بکارئینابیت و دوپاتی ل بێ لایەنییا خۆ د وی شەڕی دا کر.</strong></span></h2> <h2 style="text-align: justify;"><span style="font-size: 18pt;">ئەڤرؤ دوو شەمبی 3 ئۆکتوبەرا 2022، ناسڕ كهنعانی، پەیڤدارێ وهزارهتا دەرڤە یا ئێرانێ راگەهاند، هەمی ئەو بزاڤێن باس ل بکارئینانا فرۆکێن بێ فرۆکەڤان یێن ئیرانی دکەن کو ژ لایێ سوپایێ رووسیا ل شەڕێ ل دژی ئۆکراینا دا هاتینە بکارئینان دویرن ژ راستیێ.</span></h2> <h2 style="text-align: justify;"><span style="font-size: 18pt;">پێشتر سوپایێ ئۆکراینا ڕاگەهاندبوو، ڕووسیا فرۆکێن بێ فڕۆکەڤان یێن " شاهید 163"، د بوردومانا دەڤەرا خارکیڤ دا بکارئیناینە، کو ژ لایێ ئیرانێ ڤە دهێنە دروستکرن.</span></h2> <h2 style="text-align: justify;"><span style="font-size: 18pt;">پەیڤدارێ وهزارهتا دەرڤە یا ئێرانێ، دوپاتکر تەهرانێ ل دەستپێکا شەڕێ ئۆکراینا هەلویست و بێلایەنییا خۆ راگەهاندییە و داخواز ژ هەردوو وەلاتان ژی کرییە، ئاریشێن خۆ ب گوتوبێژان چارەسەر بکەن.</span></h2> <h2 style="text-align: justify;"><span style="font-size: 18pt;">ناسر كهنعانی ئاماژه کر، وهزیرێ ژ دەرڤە یێ ئیرانێ د چەند مەهێن بووری دا، چەندین پەیوەندییێن تەلەفۆنی دگەل هەردوو وەزیرێن دەرڤە یێن رووسیا و ئۆکراینا ئەنجامداینە و ئامادەییا وەلاتێ ئیرانێ بۆ ناڤبەینکاریێ دناڤبەرا هەردوو وەلاتان دا بۆ چارەسەرکرنا ئاریشێن وان ب شێوەیەکێ ئاشتیانە دیارکرییە.</span></h2>
