<h3 style="text-align: justify;"><span style="font-size: 18pt;">تیمهك ژ باژارێ Tuttlingen یێ ئهلمانی بو پێشكێشكرنا خولێن چهوانییا ئاگرڤهمراندنێ و كهلوپهلێن پێتڤی ل پارێزگەھا دهوكێ یه.</span></h3> <h3 style="text-align: justify;"><span style="font-size: 18pt;">ئهكاونتێ فهیسبۆكى یێ پارێزگهها دهۆكێ راگههاند، پشتی سهرهدانا پارێزگارێ دهۆكێ د.عهلی تهتهرى بو وهلاتێ ئهلمانیا و دچارچوڤێ وێ دهستهخوشكییا پارێزگهها دهوكێ دگهل باژارێ Tuttlingen یێ ئهلمانی دا، ترومبێلهكا پێشكهفتی یا ئاگرڤهمراندێ بۆ پاراستنا ژیانا وهلاتییان ب دیاری پێشكێشی پارێزگهها دهوكێ كربوو، نوكه تیمهك ژ ئهوی باژاری ل پارێزگهها دهوكێیه و دێ خولێن چهوانییا ئاگرڤهمراندێ بۆ كارمهندێن ههوارهاتنێ و كهلوپهلێن پێتڤی پێشكێشی پارێزگههێ كهن.</span></h3> <h3 style="text-align: justify;"><span style="font-size: 18pt;">ههروهسا پارێزگههێ دیاركر، ههر د ئهوی چارچوڤهیدا پێشتر ژی ئاژانسا فیدرالی یا ئهلمانیا بۆ ههڤكارییێن تهكنیكی ب ههڤكارییا رێكخراوا ( THW ) خولهكا ئونلاین دنافبهرا ههر دو پارێزگههێن دهوك و شتودگارد دا ژی بۆ ئهوان كارمهندێن كار ب ئهوان ههردو ترومبێلێن ئاگرڤهمراندنێ دكهن یێن ژ وی باژاری ژی گههشتینه پارێزگهها دهوكێ ڤهكربوو، ئهڤهژی بۆ پاراستنا گیانێ وهلاتییان و سهرهدهرییهكا ساخلهم دگهل رودانێن ئاگر یه.</span></h3>
