<h3 style="text-align: justify;"><span style="font-size: 18pt;">ل ههولێرێ ب ئامادهبوونا سهرۆكێ حكومهتا ههرێما كوردستانێ و نوونهرێن ههموو پێكهاتهیێن ئایینى و نهتهوهیى یێن ههرێما كوردستانێ، فێستیڤالا بیرهوهرییا ژ دایكبوونا پێغهمبهرێ ئیسلامێ ب رێڤهچوو.</span></h3> <h3 style="text-align: justify;"><span style="font-size: 18pt;">ئهڤرۆ 9ى چریا ئێكێ یا سالا 2022ێ ل ههولێرێ ب ئامادهبوونا سهرۆكێ حكومهتا ههرێما كوردستانێ مهسرور بارزانى فێستیڤالا بیرهوهرییا ژ دایكبوونا پێغهمبهرێ ئیسلامێ سلاڤێن خودێ ل سهر بن ب رێڤه چوو، د رێورهسمهكیدا كو وهزیرێ ئهوقاف و كاروبارێن ئایینى و ژمارهكا بهرچاڤ یا بهرپرس و نوونهرێن ههموو پێكهاتهیێن ئایینى و نهتهوهیى یێن ههرێما كوردستانێ دئامادهبوون، سهرۆكێ حكومهتا ههرێمێ مهسرور بارزانى گوتارهكا گرنگ پێشكێشكر، ئهڤه دهقێ گوتارا ئهوییه.</span></h3> <h3 style="text-align: justify;"><span style="font-size: 18pt;">ب ناڤێ خودێ مهزن و دلوڤان</span></h3> <h3 style="text-align: justify;"><span style="font-size: 18pt;">بهرێزان ماموستایێن ئایینى گهلهك و گهلهك ب خێر بهێن</span></h3> <h3 style="text-align: justify;"><span style="font-size: 18pt;">خوه شهرهڤمهند دزانم كو ئهڤرۆ د خزمهتا ههوهیێن بهرێزدا ئهڤێ بیرهوهرییا پیرۆز دكهین كو رۆژا ژ دایكبوونا پێغهمبهرێ پهروهردگار، پێشهوایێ مرۆڤایهتى، حهزرهتێ محهمهد سلاڤێن خودێ ل سهر بن یه، ئهڤرڤ ل ئهڤێرێ ئهڤێ بیرهوهرییێ دكهین، بۆ مه ههموویان جهێ شانازییێ یه.</span></h3> <h3 style="text-align: justify;"><span style="font-size: 18pt;">ئهڤرۆ پێدڤییه ئهم ههموو دلخۆش بین كو خودایێ مهزن ئهڤ نیعمهته ب مرۆڤایهتییێ دایى، بهلێ دا بهێین و تهماشهیى ئهوێ بكهین كو پێغهمبهری سلاڤێن خودێ ل سهر بن د ژیانا خوهدا چ كر و رێنمایێن ئهوى بۆ مرۆڤایهتییێ چ بوون ؟</span></h3> <h3 style="text-align: justify;"><span style="font-size: 18pt;">پێغهمبهرێ ئیسلامێ سلاڤێن خودێ ل سهر دهم، د دهمهكیدا هات كو رووبروو نهیهكسانییێ ببیت، رووبروو ستهمێ بیت، رووبروو شكاندنا ئافرهتان بیت، رووبروو ئهوێ ببیت كو بهندهیێن خودێ نهبنه بهندهیێن مرۆڤان، بۆ هندێ هات یهكسانییێ پهیدا بكهت، بۆ هندێ هات دادپهروهرییێ ل جیهانێ پێشڤهببهت و ژبلى هندێ كو ئایینێ ئیسلامێ ئایینێ پێشڤهبرنا ئهخلاق و بهایێن بلنده، پهیوهندییێن مرۆڤایهتى و خودایێ مهزنه بۆ خودێ پهرستان، دههمان دهمدا بۆ هندێ هاتییه كو مرۆڤ بهرگرییێ ژ بهایێن بلند یێن ئهخلاقى بكهن، جڤاتا گهلان پهیوهندییێن گهلان ل سهر بنهمایێن پێكڤهژیان و حهژێكرنێ درووست بكهن.</span></h3> <h3 style="text-align: justify;"><span style="font-size: 18pt;">ئهز گهلهك یێ كهیفخۆشم كو ئهڤرۆ دبینین ئهم ل ههرێما كوردستانێ پهیرهوێ ئهوان بهایێن پیرۆزن، كو ههموو ئایین ل ههرێما كوردستانێ ب ئازادى و پێكڤه دژین و خودێ پهرستن ب ههموو جۆران و د ههموو ئاییناندا ل كوردستانێ یا رێ پێدایه، بۆ مه ههموویان جهێ شانازییێ یه، ل ڤێرێ من داخوازهكا بچووك ژ ههموو ئهوان ماموستایێن بهرێز ههیه، كو مه ژ شیرهتێن خوه بێ بههر نهكهن، و مه د ب رێبهرایهتیكرنا كۆمهلگهها مهدا بێ بههر نهكهن، و رێكێ ل ئهوێ چهندێ بگرن كو ئایینێ پیرۆزێ ئیسلامێ یان ههر ئایینهكێ دى بۆ بهرژهوهندییا شهخسى تاكى، گرۆپ یان مهرهم و ئهجندایێن سیاسى بهێنه بكارئینان.</span></h3> <h3 style="text-align: justify;"><span style="font-size: 18pt;">ئایین بۆ هندێ یه مرۆڤ دگهل خودێ یێ راستگۆ بیت، ههروهسا پهیوهندییهكا ساخلهم دگهل ههموو وهلات و نیشتیمانێن تر ههبیت.</span></h3> <h3 style="text-align: justify;"><span style="font-size: 18pt;">جارهكا دى سوپاس بۆ ئامادهبوونا ههوه ههموویان، هیڤیدارم هوون ژى پشتهڤانییا حكومهتا خوه بكهن، داكو ئهم ژى بشێین دخزمهتا ههوه یێن خوشتیڤیدا بین، گهلهك گهلهك سوپاس، بخێر بهێن.</span></h3>
