<h3 style="text-align: justify;"><span style="font-size: 18pt;">سهرۆكێ ههرێما كوردستانێ پێشوازى ل كونسۆلێ نوو یێ كوێتێ كر و سوپاسییا سهركردایهتییا وهلاتێ ئهوى بۆ ئهوان هاریكارییێن ل ههرێما كوردستانێ پێشكێشى ئاواره و پهنابهران كرى كر.</span></h3> <h3 style="text-align: justify;"><span style="font-size: 18pt;">ل دووڤ راگههاندنا سهرۆكایهتییا ههرێما كوردستانێ، ئهڤرۆ 9ى چریا ئێكێ یا سالا 2022ێ سهرۆكێ ههرێما كوردستانێ نێچیرڤان بارزانى پێشوازى ل كونسۆلێ گشتى یێ نوو یێ كوێتێ ل ههرێما كوردستانێ ئوسمان داوود ئهلداوود كر.</span></h3> <h3 style="text-align: justify;"><span style="font-size: 18pt;">سهرۆكێ ههرێما كوردستانێ پیرۆزباهییا دهست بكاربوونێ وهكو كونسۆلێ نوو یێ كوێتێ ل ههرێما كوردستانێ ل ئوسمان داوود ئهلداوودى كر، داخوازا سهركهڤتنێ بۆ كر و ههموو پشتهڤانییا خوه بۆ سهركهڤتنێ دئهركێ ئهویدا نیشاندا.</span></h3> <h3 style="text-align: justify;"><span style="font-size: 18pt;">نێچیرڤان بارزامى د دیدارێدا دگهل كونسۆلێ نوو یێ كوێتێ، زێدهبارى نیشاندانا حهزا ههرێما كوردستانێ بۆ پێشڤهبرنا پهیوهندییێن خوه دگهل كوێتێ، سوپاسى و پێزانین بۆ سهركردایهتییا كوێتێ دووپاتكر، كو ئهوى وهلاتى هاریكارییێن مرۆڤایهتى ل ههرێما كوردستانێ پێشكێشى ئاواره و پهنابهران كرن.</span></h3> <h3 style="text-align: justify;"><span style="font-size: 18pt;">ههروهسا دراگههاندنا سهرۆكایهتییا ههرێمێدا هاتییه، كونسۆلێ گشتى یێ نوو یێ كوێتێ ل ههرێما كورستانێ هیڤیى خواستن بشێت پهیوهندییان دبیاڤێن هاریكاییا ههڤپشك دناڤبهرا ههرێما كوردستان و كوێتێ دا پێشڤهببهت.</span></h3> <h3 style="text-align: justify;"><span style="font-size: 18pt;">دووماهى پێشهاتێن پرۆسهیا سیاسى یا عیراقێ و رهشا دهڤهرێ ب گشتى، تهوهرهكێ دى یێ دیدارێ بوو، ههردوو لایان دووپاتى ل ئهوێ چهندێ كر كو ئارامى و سهقامگێرییا دهڤهرێ بۆ ههموو لایهنان یا گرنگه.</span></h3>
