بریكارێ وەزارەتا پەروەردێ یا حكومەتا هەرێما كوردستانێ راگەهاند، نێزیكی 31 هزار ماموستایێن وانەبێژ ل هەرێمێ هەنە و دامەزراندنا هەمییان ب ئێك جار كارەكێ ب زەحمەتە.
سەیوان فەرەج، بریكارێ وەزارەتا پەروەردێ یا حكومەتا هەرێما كوردستانێ ئاشكەراكر، بۆ دامەزراندن یان ب گرێبەستكرنا وانەبێژان د شیان دا نینە ب ئێك جار 31 هزار كەسان دامەزرینین، لێ ئەم دێ كاركەین ژبۆ وێ یەكێ هەر چ یا پێدڤی یە ب وان بكەین و مە داخوازی پێشكێشی جڤاتا وەزیران كرییە لێ نە كۆ ب وی رەنگی هەمی وانەبێژ بهێنە دامەزراندن. هەروەسا مە ل گەل نوینەرێن وانەبێژان ژی گۆتوبێژكرینە و ئەوان ژی باس ل وێ چەندێ كرییە كۆ دامەزراندنا ب جارەكێ یا وێ هەژمارا وانەبێژان كارەكێ ب زەحمەتە، لێ د شیان دایە هەر سالێ هندەك ژ وان بهێنە دامەزراندن.
