ب مهرهما ئێكخستنا زمانێ دادگههان، جڤاتا دادوهرى یا ههرێما كوردستانێ بریاردا ئێدى ل ههموو دادگههێن ههرێما كوردستانێ بریارا دادگههێ ب كوردى بهێته نڤێسین.
ئهڤرۆ 10ى چریا ئێكێ یا سالا 2022ێ جڤاتا دادوهرییا ههرێما كوردستانێ راگههاندنهك بهلاڤكر و تێدا هاتییه، جڤاتا دادوهرى یا ههرێما كوردستانێ پشتى كۆمبوونا خوه یا رۆژا 26ى ئهیلولا 2022ێ پشتبهستن ب ماددهیێ شهش ژ قانوونا ژماره 23ێ یا سالا 2007ێ یا دهستههلاتا دادوهرى ههروهسا ( ماددهیێ شهش یێ قانوونا ژماره شهش یا سالا 2014)ێ یا زمانێن فهرمى ل ههرێما كوردستانێ، بریاردا (نڤیسینا بریارێن دادگههان و ههموو ئهوان رێكارێن دادوهرى یێن ژلایێ دادگههێن كوردستانێڤه دهێنه پهیرهوكرن ب كوردى بن، و ب تنێ ل دهمێن پێدڤى زمانێ عهرهبى بهێته بكارئینان).
ئاماژه ب هندێ ژى هاته كرن، ئهڤ بریارا جڤاتا دادوهرى پشتى زنجیرهیهكا كۆمبوونێن ههڤپشك دناڤبهرا جڤاتا دادوهرى و پهرلهمان و دهستهیا دهستپاكییێ و ئهكادیمییا كوردیدا بوو، كو ژبلى دهركرنا ئهڤێ بریارێ، لایهنێن ناڤبرى مژوولى ئامادهكرنا فهرههنگهكا قانوونى یا ئێكگرتى یا كوردینه، بۆ ئێكخستنا زمان و دهستهواژهیێن قانوونى كو ب سهرپهرشتییا جڤاتا دادوهرى و نوونهرایهتییا ههر ئێك ژ پهرلهمان و وهزارهتا داد و دهستهیا دهستپاكى و ئهكادیمییا كوردى برێڤهدچیت.
