حکومەتا عێراقێ: هه‌تا ٢٠ ڕۆژێن دی دێ نه‌فتا سپی بۆ هەرێما کوردستانێ هنێرین

سەرۆکێ نوونەراتییا حکومەتا هەرێما کوردستانێ ل بەغدا، چەند زانیاری ده‌ربارەیی پشکا هەرێما کوردستانێ ژ بەنزینێ و نەفتا سپى ژ لایێ حکومەتا فیدرالیڤە ئاشکرا کر.

فەرمانگەها میدیا و زانیارى یا حکومەتا هەرێما کوردستانێ به‌لاڤكرییه‌:’ فارس عیسا، سەرۆکێ نوونه‌راتییا حکومەتا هەرێما کوردستانێ ل بەغدا، ل سەر پرسا نەفتێ و هنارتنا پشکا هەرێما كوردستانی ژ بەنزینێ و نەفتا سپى ژلایێ حکومەتا فیدرالیڤە، چەند زانیاری داینه‌ فەرمانگەها میدیا و زانیارى و گۆتییه‌: لدووڤ ڕێکكه‌فتنا هەولێر و بەغدا، دڤێت هه‌تا ٢٠ ڕۆژێن دی ئەو پشكا نه‌فتێ بگه‌هیتە هەرێما کوردستانێ”.

ناڤهاتی گۆت ژی: ” لدووڤ بڕیارا ژمارە (١٦٩) ێ” و ل رێككه‌فتی ٧ ئیلۆنا ٢٠٢٢ێ جڤاتا وەزیران، مەسرور بارزانی، سەرۆکێ حکومەتا هەرێما کوردستانێ، وەزارەتا سامانێن سروشتی راسپاردییه‌، ب هەماهەنگی ل گەل سازی یێن دیتر یێن حکومەتا ھەرێما کوردستانێ، بەری هاتنا وەرزێ زڤستانێ و ب له‌ز کێشا نەفتا سپى و سووتەمەنىیێ ب گشتی، ل گه‌ل وەزارەتا نەفتا فیدرالی چارەسەر بکەن “.