وهزارهتا كارهبێ یا حكومهتا ههرێما كوردستانێ راگههاند ل 20ى چریا ئێكێ یا سالا 2022ێ دێ دهست ب بهلاڤكرنا گازا سپى هێتهكرن.
وهزارهتا كارهبێ دیاركر، ئهڤرۆ 11ى چریا ئێكێ یا سالا 2022ێ وهزیرێ كارهبێ كهمال محهمهد سالح كو دههمان دهمدا وهزیرێ سامانێن سرۆشتى ب وهكالهته، سهرهدانا ئیدارهیا سهربهخۆ یا راپهرینێ كر و دكۆمبوونهكێدا دگهل سهرپهرشتێ ئیدارهیێ هیوا قهرهنى رهوشا كارهبا دهڤهرێ و ئاریشهیێن كارهب و سوتهمهنییێ گوتوبێژكر، و دووڤدا پرێسكونفرانسهك ل دۆر دهم و چهوانییا بهلاڤكرنا گازا سپى ل سهر وهلاتییان سازكر.
وهزیرێ كارهبێ دپرێسكۆنفرانسیدا ئاشكراكر، ل رۆژا 20ى ئهڤێ ههیڤێ دێ دهست ب بهلاڤكرنا گازا سپى هێته كرن و وهكو قوناغا ئێكێ بهلاڤكرنا گازێ دێ ل دهڤهرێن چیایى دهستپێكهت، و زێدهتر دیاركر، پارهیێ 320 هزار بهرمیلان هاتییه دابینكرن، و ل دهستپێكێ گاز دێ ل دهڤهرێن چیایى و ئهو دهڤهرێن پار سال گاز نهوهرگرتى هێته بهلاڤكرن.
