محەمەد گڤاری
زارۆیەکی پرسیارەک ژ بابێ خۆ کر و گـۆتێ:
(سەرمایەداری) چییە؟ بابێ وی گۆتێ کورێ من، هێشتا ژییێ تە یێ بچویکە، ژبەر هندێ ئەز بەرسڤاتە نادەم، بەلێ دێ نمۆنەکێ بۆتە بێژم. بابێ وی گوتێ ئەز پارا بۆ مالێ دمەزێخم، دبێژنە من سەرمایەدار، دەیکا تە ب کار و بارێن مالێ ڕادبیت، دبێژنێ حکومەت، تو یێ ل ژێر چاڤدێریيا دەیکا خۆ، دبێژنە تە مللەت، برایێ تە یێ بچویکتر دبێژنێ پاشەرۆژ، خزمەتکارا ناڤمالا مە دبێژنێ تەخا (هەژار و بەلەنگازا )، ڤێجا باش هزرێت خۆ بکە، بەلکو بگەهیيە ئەنجامان.
دەمێ بوویە شەڤ، خەوا زارۆکی نەهات و ژناڤ نڤینکێت خۆ ڕابوو ژبەر وێ نمۆنا بابێ وی گۆتی، ل وى ده‌می دەنگێ گريیا برایێ وی یێ بچویکتر ژ وی هاتە گوهان، دەمێ سەحکرییە برایێ خۆ دیت یێ بێ حەفازەیە و خۆ پیسکرییە، ب لەز قەستا دەیکا خۆ کر، دیسان دیت دەیکا وی یا دناڤ خەوەکا گراندا، بەلێ ئەو تشتێ ئەو حێبەتی کری بابێ وی ل نک دەیکا وی نەبوو، لەوما دناڤ ژوورێت مالێ گەریيا، ژ نشکانڤە ئاگەھ ژ کەنیيا بابێ خۆ بوو کو یێ ل ژوورا خزمەتکارا مالێ یێ سوحبەتان دکەت.
دەمێ ڤەگەریایى بۆ سەر جهێ خۆ ژبەر خەمۆکی و بێزاریێ ڕێک لبەر بەرزەبوو، ل دانێ سپێدێ کوری گۆتە بابێ خۆ من زانی گەندەلییا سیاسی چییە، بابێ وی گوتێ تە چەوا زانی؟ .
کورێ وی گۆت: دەمێ سەرمایەدار یاريیا ب تەخا هەژار و بەلەنگازان دکەن، ئەو دناڤ پیساتییێ دا دخەندقن، ئەرێ دەستهەلاتدارێن سەرمایەدار یاريیان ب تەخا هەژاران دکەن!؟
