پاریس یا رازییه‌ ب مه‌رج ده‌ستان ژ ئێمباپێ به‌رده‌ت

یانه‌یا پاریس سانجێرمان یا فره‌نسى ب مه‌رج رازیبوو ستێرا وێ یا گه‌نج كیلیان ئێمباپێ رێزێن یانه‌یێ بجهـ بهێلیت.

رۆژنامه‌یا ماركا یا ئسپانى دیاركر، په‌یوه‌ندییێن ئێمباپێ دگه‌ل پاریس سانجێرمان گه‌له‌ك خراب بووینه‌، كو یاریكه‌رى داخوزا ده‌ركه‌ڤتنێ ژ پارك دى پرێنسێ ل مێركاتوی هاڤینا بهێت كرییه‌.

رۆژنامه‌یێ ئاشكراكر، ئێمباپێ كار بۆ ده‌ركه‌ڤتنێ ژ یانه‌یێ ل مێركاتویا زڤستانێ دكه‌ت، لێ كارگێرییا یانه‌یا پاریسى ئه‌ڤێ چه‌ندێ ب تمامى ره‌تدكه‌ت، و دێ یا رازى بیت ل هاڤینا بهێت ده‌رگه‌هێن ده‌ركه‌ڤتنێ بۆ ڤه‌كه‌ت، لێ ب ئه‌وى مه‌رجى كو په‌یوه‌ندییێ ب یانه‌یا ریال مه‌درید نه‌كه‌ت، و یاریكه‌ر ئاگه‌هداركرییه‌ كو هه‌ر جهێ ئه‌وى بڤێت بچیتێ یێ ئازاده‌، ب تنێ سانتیاگۆ بێرنابیۆ نه‌بیت.