ئاژانسا خانی: تایبەت
رێڤەبەرێ وەبەرهێنانێ ل ئیدارا سەربەخۆیا زاخو راگەهاند، بەهرا زاخۆ ژ شوقەییێن كێم دەرامەتان 892 شوقەنە و 2073 كەسان ل سنۆرێ ئیدارا سەربەخۆ یا زاخۆ داخوازی بۆ وەرگرتنێ پێشكێشكرینە.
ئەندازییار جەگەرخوین تەها عەبدی، رێڤەبەرێ وەبەرهێنانێ ل ئیدارا سەربەخۆیا زاخو بۆ ئاژانسا خانی گۆت: باژێرڤانییا زاخۆ دوو جهـ بۆ ئاڤاكرنا شوقەییان دەستنیشانكرینە، كەرتێ 13 تلكەبەر كو ( 576 ) شوقە دێ لێ هێنە درۆستكرن و كەرتێ ئافرما كو ( 316 ) شوقە دێ لێ هێنە درۆستكرن.
ئاشكەرا ژی كر، دەستپێكرنا ئاڤاكرنا شوقەییان ل زاخۆ ژبەر وێ یەكێ یە جهێ وان هاتییە دەستنیشانكرن و چ كێشە بۆ دەستپێكرنێ نینن.
