سه‌رۆكێ حكومه‌تێ پێشوازى ل رێڤه‌به‌رێ نڤێسینگه‌ها نه‌ته‌وه‌یێن ئێكگرتى یا تایبه‌ت ب مادده‌یێن هوشبه‌ر و تاوانان كر

ئه‌ڤرۆ پێنجشه‌مبى 13ى چریا ئێكێ یا سالا 2022ێ، مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل عه‌لى فاروق ئه‌لبه‌ریر رێڤه‌به‌رێ نڤێسنگه‌ها نه‌ته‌وه‌یێن ئێكگرتى یا تایبه‌ت ب مادده‌یێن هوشبه‌ر و تاوانان ( UNODC  ) ل عیراقێ كر.

دكۆمبوونه‌كێدا دانوستاندن ل دۆر پێشڤه‌برنا هاریكارى و هه‌ماهه‌نگییا دناڤبه‌را حكومه‌تا هه‌رێما كوردستانێ و نه‌ته‌وه‌یێن ئێكگرتیدا بۆ رووبرووبوونا تاوانێن رێكخراوێن مادده‌یێن هوشبه‌ر و بازرگانیكرن ب مرۆڤان هاته‌ كرن.

د ته‌وه‌ره‌كێ دى یێ كۆمبوونێدا، به‌حسا گرنگییا هه‌بوونا پلانا هه‌رێما كوردستانێ بۆ مافێن مرۆڤى هاته‌ كرن و بلند هاته‌ نرخاندن، كو به‌شه‌ك ژ چاكسازییا كابینه‌یا نه‌هێ دبیاڤێ ب هێزكرنا بنه‌مایێن ئازادى و دیموكراسى و پاراستنا مافێن مرۆڤیدایه‌.