مسته‌فا كازمى سه‌رۆك وه‌زیرێن عیراقێ په‌یامه‌ك ل دۆر ب رێڤه‌چوونا كۆمبوونا ئه‌ڤرۆ یا په‌رله‌مانێ عیراقێ به‌لاڤكر و راگه‌هاند، ئه‌وى هێزێن ئێمناهییێ راسپاردینه ئاسایشا كۆمبوونا په‌رله‌مانى بپارێزن.
كازمى دپه‌یاما خوه‌دا دیاركر، د ده‌مه‌كیدا ئه‌و پشته‌ڤانییا تمامكرنا شایسته‌یێن ده‌ستوورى بۆ ب دووماهى هاتنا قه‌یرانا سیاسى دكه‌ن، ئه‌و دووپات دكه‌ن كو هێزێن ئێمناهییێ راسپاردینه ئێمناهى و ئاسایشا تمام بۆ برێڤه‌چوونا روونشتنا په‌رله‌مانى دابین بكه‌ن.
و گوت ژى : ئه‌و هه‌ر بزاڤه‌كا بۆ رێگرتنا پرۆسه‌یا دیموكراسییێ دهێته‌كرن، ب توندى ره‌تدكه‌ن.
